Marrëveshja me Ramën për emigrantët, Kryeministrja e Italisë akuzon të majtën italiane!
Marrëveshja me Shqipërinë për transferimin e emigrantëve nga Afrika është e dobishme dhe inovatore, tha Kryeministrja e Italisë, Georgia Meloni, duke vlerësuar se ajo mund të përfaqësojë një precedent që mund të bëhet në shumë vende në përputhje të plotë me të drejtën ndërkombëtare ndërsa akzuoj të majtën italiane.
“Nuk e di pse e majta e konteston kështu, ndoshta sepse shpresojnë se ne nuk do të arrijmë ta zgjidhim problemin, gjë që shpresojmë ta bëjmë realitet në të cilin përballemi me flukse të paprecedenta,” tha Georgia Meloni e cila bënë marrëveshje me liderin e së majtës shqiptare ndërkohë akuzon të majtën italiane.
“Partia Demokratike e majtë italiane kërkoi që Partia Socialiste e Shqipërisë të nxirrej nga PSE. Padyshim të ndihmosh Italinë nuk është e majtë,” tha Kryeministrja e Italisë, Georgia Meloni, pas reagimit të socialistëve italianë.
Ndryshe, më 6 nëntor Kryeministri Edi Rama dhe Kryeministrja e Italisë, Giorgia Meloni nënshkruan në Romë marrëveshjen për ndërtimin në Shqipëri të dy qendrave për strehimin e emigrantëve. Sipas marrëveshjes për emigrantët porti i zbarkimit do të jetë Shëngjini, ndërsa Gjadri do të jetë kampi ku do të ndërtohet vendqëndrimi i tyre me kapacitet maksimal 3 mijë emigrantë në muaj.
Shpenzimet për këtë vendim politik deri më tani do të përballohen nga Italia ndërsa kohëzgjatja e marrëveshjes do jetë 5 vjet, dhe mund të shtyhet automatikisht edhe me 5 vite të tjera nëse ndonjëra nga palët nuk komunikon të paktën gjashtë muaj përpara afatit të përfundimit qëllimin e saj për të mos e rinovuar këtë protokoll.
Më 21 nëntor, Dhoma e Përfaqësuesve në Parlamentin Italian miratoi me 189 vota pro dhe 126 kundër rezolutën e mazhorancës italiane, pavarësisht kritikave të opozitës.
Ndërkohë sot Partia Demokratike ka dorëzuar në Gjykatën Kushtetuese kërmesën me firmën e 28 deputetëve duke kërkuar pezullimin e procedurës parlamentare për ratifikimin e marrëveshjes dhe shpalljen e papajtueshmërisë së saj me Kushtetutën e Republikës së Shqipërisë.
