Marrëveshja PD-PL, Berisha: Fitore e sigurtë e opozitës në Tiranë dhe Shqipëri!

Duke e cilësuar historike Marrëveshjen PD-PL të firmosur me Ilir Metën, Kryetari i Partie Demokratike, Sali Berisha tha se me këtë marrëveshje çelet rruga për t’i dhënë Tiranës, qytetarin e parë që ata meritojnë dhe fitoren e sigurtë të opozitës në Tiranë dhe Shqipëri.

“Ky moment shënon marrëveshjen për fitoren e sigurtë të opozitës në Tiranë dhe Shqipëri. Ky moment çel rrugën, për t’u dhënë qytetarëve të Tiranës, qytetarin e parë, që ata meritojnë, që pasquron vlerat, shpirtin, virtytet dhe moralin e tyre, dhe një lloj për ët gjitha qytetet e Shqipërisë. Për t’i dhënë Tiranës dhe qyteteve të vendit, parlamentet e vërteta të qytetarëve, përfaqësuesit dinjitozë të qytetarëve, për t’i dhënë Tiranës, një parlament të fuqishëm, të kryesuar nga qytetarë dhe politikanë të sprovuar në mbrojtje të interesave të qytetarëve të Tiranës.

Por, me fjalë të tjera, për të arkivuar në mënyrë figurative, në plehrat e Sharrës, figurën më obskure që ka drejtuar Bashkinë e Tiranës që nga shpallja kryeqytet, deri më sot, Erion Velinë, i cili në çdo shtet ligjor, me çdo ligj, i takon të jetë në qeli dhe jo në garë elektorale.

Me vjedhjet e tij monstruoze, me mashtrimet që u ka bërë qytetarëve të Tiranës dhe shndërrimin e Tiranës në një nga 10 qytetet më të pista të botë, të klasifikuar së fundmi nëpërmjet ndërtimeve me katet pa leje, me dendësinë e popullatës, me shndërrimin e kryeqytetit në qytetin me pozicionin e 250-të në shërbimin shëndetësor, Erion Velia ka qindra motive të shkojë aty ku e ka vendin. Jam i bindur se qytetarët e Tiranës do flasin për të gjitha këto dhe do godasin direkt edhe protezhenë e Erion Veliajt, Edi Ramën,” tha Sali Berisha duke e kosnideruar këtë marrëveshje historike si fillimin e fundit të regjimit absolutar Rama-Veliaj.

“Nuk mund të lë pa thënë dy fjalë për parlamentin inekzistent të Tiranës, që drejtohet nga një zonjë Rovena Hije. Për të, qytetarët nuk ekzistojnë. Nuk e ka dëgjuar kush kurrë të mbrojë një interes të vetëm. Ajo sikur është binjake me hijen. Tirana me 800 mijë banorë, më e madhe se disa shtete të Europës, do ketë parlamentin e vet të fuqishëm. Marrëveshja është historike sepse me primaret do marrë fund kryetarokracia.

Zotin Meta e kam garantuar se do përkrahim nismën referendare. Referendumi mbetet ndoshta mjeti më kryesor për të shëruar, për të rikthyer demokracinë në Shqipëri, e cila është në agoni të plotë dhe ka zbritur nën nivelet e Kirgistanit. Edhe njëherë e konsideroj historike këtë marrëveshje, pasi do të shënojë fillimin e fundit të regjimit absolutar të Edi Ramës dhe Erion Velisë,” tha kryedemokrati duke rikujtuar se me Bashën kishte vetëm humbje ndërsa me Berishën marrëveshjet sjellin vetëm fitore.

Me këtë rast, Kryetari i Partis Demokratike, nuk iu shamng dhe pyetjes lidhur me deklaratën e deputetit të PD, Belind Këlliçi, se është gati të lërë mandatin në Tiranë për të kandiduar përballë kryebashkiakut Erion Veliaj në 14 maj.

“Kandidati për qytetar të parë të Tiranës dhe në Shqipëri, do dalë nga primaret. Ne ramë dakord që ky koalicion mbështet plotësisht primaret. Unë përgëzoj të gjithë ata që vendosin të provohen në një garë të pashembullt ndonjëherë në historinë e këtij vendi, që synon t’i japë fund kryetarokracisë, synon të përmbysë praktikat e vjetra të zgjedhjes së përfaqësuesve.

Zoti Këlliçi ka shprehur dëshirën, është një nga ata që ka shprehur dëshirën dhe unë e përgëzoj plotësisht, siç përgëzoj çdo personalitet të partisë ose shoqërisë civile që vendos të provohet në garë për qytetar të parë të Tiranës apo funksione të tjera.”

Në fund, Kryetari i Partisë Demokratike, Sali Berisha, tha se dy janë qëllimet më madhore të marrëveshjes, shkallmimi i autoritarizmit të Edi Ramës dhe groposja politike e zdromsit të Tiranës në Sharrë, ndërsa përfundoi:

“Çdo gjë mbi bazën e kuadrit të marrëveshjes do përcaktohet nga grupet e zbatimit të marrëveshjes. Një gjë është e sigurt, që marrëveshja synon fitoren. Kjo është marrëveshja e fitores. Shkoni e mbani pak një konferencë të pala tjetër. Nuk del dot. Ta marrë Erionin, Edi Rama në krah dhe të dalë të thotë se si hyjnë në këtë fushatë.”

Ndryshe, kjo është Marrëveshja e dytë elektorale e Partisë Demokratike dhe LSI-së sot Partia e Lirisë, pas asaj të vitit 2009, kur i garantuan Partisë Socialiste dhe Edi Ramës një humbje të sigurt dhe opozitë të shëmtuar me sloganin e turpshëm katër vjeçar “hap kutitë ose largohu”!