Marrëveshja për Reformën Zgjedhore/ Reagimi, Basha: Më shumë garanci për zgjedhje të lira e të ndershme!

Pas përmbylljes së Reformës Zgjedhore, ka reaguar Kryetari i Partisë Demokratike, Lulzim Basha, tha se sot u hodh një përpara për më shumë garanci për zgjedhje të lira dhe të ndershme.

“Sot kemi hedhur një hap përpara, për të mundësuar më shumë garanci për zgjedhje të lira dhe të ndershme në Shqipëri. PD dhe Opozita e Bashkuar është e gatshme dhe po punon përditë për t’jua kthyer qeverisjen shqiptarëve,” tha Lulzim Basha në reagimin e parë përmes rrjetit social Twitter duke falemnderuar partnerët euroatlantik për kontributin e tyre ndërsa përfundon:

“Në emër të Opozitës së Bashkuar ju shpreh falenderimet tona aleatëve dhe partnerëve tanë euro-atlantikë për ndihmën dhe kontributin e tyre për gjetjen e dakortësisë për administrimin zgjedhor.”

Pikat që u dakordësuan palët!

Me përfundimin e Këshillit Politik kur u finalizua Reforma Zgjedhore, Përqafësuesi i Partisë Demokratike, Oerd Bylykbashi, tha se është arritur dakordësia për depolitizimin e administratës zgjedhore.

“U arrit dakordësi per administrimin zgjedhor. Do të ketë identifikim biometrik per zgjedhjet e ardhshme. Dakordësia riformaton KQZ. Rama donte të kapte komisionet zgjedhore. Nuk i kapi dot. U tërhoq. Sot në ora 10:00, PD propozoi zgjidhjen për depolitizimin e administratës zgjedhore me përjashtimin e administratës publike nga komisionet zgjedhore. PS e refuzoi. Komisionet zgjedhore mbeten siç janë,” tha Bylykbashi duke përfunduar:

“Depolitizimi i administratës zgjedhore do të kryhet vetem pas zgjedhjeve të ardhshme parlamentare dhe lokale.”