Marrëveshja sekrete/ Hashim Thaçi drejt shkarkimit, Kurti: Vendos Parlamenti!

Pas publikimit të “Marrëveshjes sekrete” e cila ishte nënshkruar nga Ish-Kryeministri i Kosovës, Hashim Thaçi me NATO-n, përmes së cilës është bartur te KFOR-i e drejta absolute e vetos mbi të gjitha misionet e ardhshme të FSK-së në veri të Kosovës, për një periudhë të pacaktuar, Kryeministri Albin Kurti në një konferencë të jashtëzakonshme për media ka sqaruar se tashmë është në dorën e deputetëve nëse do ta dërgojnë në Kushtetuese këtë marrëveshje ose jo.

“Nuk është duke shkuar FSK-ja në veri të Ibrit, por është Ish-Kryeministri ai që tha se nuk do të shkojë FSK-ja në një letër që nuk është bërë publike për deputetët. Tash e kanë 120 deputetë dhe opinionin ligjorë edhe letrën e dërguar Osmanit. Ne nuk do të ndërmarrim veprime pasi kemi marrëdhënie shumë të mira me NATO-n, por duam të jemi transparent, është në dorën e ligjvënësve që të mund të marrin hapa të tillë, unë nuk e përjashtoj por është obligim i imi si kryeministër,” tha Kurti duke shtuar se ideja për shkëmbim territoresh e proklamuar paska pasur zanafillë.

“Kjo marrëveshje tregon që ‘Zajednica’ dhe shkëmbimi territorial nuk janë dy gjëra të ndryshme, paskemi pasur një zbrazje të një ardhme me 19 prill 2013, kjo ishte ideja për shkëmbim territorial e paska pasur një zanafillë. Unë e publikova meqë mu bë e pamundur ta diskutojë me presidentin, po të ishte i gatshëm të takohej me mua nuk do ta publikoja pa e diskutuar me presidentin,” tha Kryeministri i Kosovës ndërsa ka sqaruar se letër këmbimin e mori nga një zyrtar i NATO-s, dhe nuk e gjeti në zyrën e tij.

“Unë me të letër këmbim se kam gjetur  në zyrën time por më është dhënë nga një zyrtarë i NATO-s për të cilin jam falënderues!”

Me këtë rast Albin Kurti ka sqaruar edhe qëndrimin e tij për Marrëveshjet, për hekurudhën dhe për linjën ajrore.

“Rezerva ime për përmbajtjen e atyre marrëveshjeve vjen për disa arsye, e para pasi ne ishim qeveri e re, s’mund të jem në ceremoninë e nënshkrimit kur nuk jam në origjinën e diskutimit.  Për çështjen e fluturimit Prishtinë-Beograd, kam shprehur rezervat pasi aty përmendet një operator specifik,” Kryeministri i Kosovës, Albin Kurti, ndërsa dha detaje edhe për takimin me Odën Ekonomike:

“Me odën ekonomike biseduam për shumë çështje, fokusi nuk ka qenë tarifa 100%. Reciprociteti nuk është për hakmarrje por është për barazi,  gjëja më normale dhe më e natyrshme.”