Marrëveshje të re për Teatrin Kombëtar/ Ja për çfarë është dakordësuar Veliaj me artistët

Kryebashkiaku Erjon Veliaj njoftoi sot arritjen e një marrëveshjeje me artistët në lidhje me Teatrin Kombëtar.

Me një postim ne Tëitter, teksa pozon i qeshur krah aktorëve që protestojnë kundër shembjes së godinës së Teatrit Kombëtar, Arben Derhemi, Alfred Trebica dhe regjisorit Altin Basha, Veliaj shkruan se “falë kontributit të secilit kemi një marrveshje më të mirë dhe jemi sot gati të nisim negociatat për një Teatër të ri Kombëtar!”.

Veliaj nuk ka dhënë detaje mbi marrëveshjen, por thuhet se në të përcaktohet se Teatri i ri do të jetë me 3 fishin e sipërfaqes aktuale, teatër pa kulle, teatër mbi njollen që është sot pronë shtetërore dhe 2 artistë pjeseë e negociatave. Gjithashtu parashikohen zero lekë nga taksapaguesit.

Ndërkohë, aktori Arben Derhemi thekson se “territori i Teatrit Kombëtar është i panegociueshëm dhe në këtë pikë Veliaj ka rënë dakord. Nga gjurma aktuale nuk do lëvizet asnjë centimetër. Kjo është një pikë e shkruar në projektin që po diskutohet”.

Ndërsa, Kryebashkiaku Veliaj thekson “kur ka vullnet, ka rrugëzgjidhje! Mirënjohje nga zemra aktorëve, regjisorëve, arkitektëve, inxhinierëve e sidomos sindikatave e protestuesve!

Falë kontributit të secilit kemi një marrëveshje më të mirë dhe jemi sot gati të nisim negociatat për një Teatër të ri Kombëtar!”.