Marrëveshje/ Vjosa Osmani dhe Albin Kurti bashkë në zgjedhjet e 14 Shkurtit

U.D. Presidentja e Kosovës, Vjosa Osmani, dhe Kryetari i Lëvizjes Vetëvendosje, Albin Kurti kanë nënshkruar sot Marrëveshjen e parimeve dhe synimeve politike për listën e përbashkët në zgjedhjet e parakohshme të 14 shkurtit në Kosovë.

“Ne do të garojmë bashkë që do të fitojmë bashkë, për shkak se janë referendum. Që nga 29 nëntori i zgjedhjeve lokale në Podujevë, Llap, Besianë në Kosovë nuk ka më zgjedhje sepse ka referendum, edhe me 14  shkurt nuk është më situate e vjetër,” tha Albin Kurti duke shtuar se ky është bashkim rreth një kauze që ka synim një të ardhme më të mirë për të gjithë qytetarët tanë.

E bindur në fitore, Vjosa Osmani foli edhe për postin e Presidentit si pikë e veçantë e Marrëveshjes:

“Ne kemi mjaftueshëm përfaqësues për të arritur fitore, por lista dorëzohet më 16 janar. Marrëveshja është në mes LVV dhe listës që udhëheqë unë,” tha Vjosa Osmani pas firmosjes së Marrëveshjes duke shtuar se do të jetë ajo që do të kërkoj të rilegjitimohet posti i Presidentit.

“Do të jem unë personi që do ta kërkoj këtë ri legjitimim, sepse presidenti i vendit përfaqëson unitetin e popullit. Një presidente që ka legjitimitet më së miri e përfaqëson këtë. Do të garojmë pikërisht si thoni ju.”

Ndryshe, kjo është Marrëveshja e parë e një koalicioni për zgjedhjet e parakohshme parlamentare më 14 Shkurt, me përcaktim të synimit të qartë edhe për Kryeministrin dhe Presidentin e ardhshëm të Kosovës.