Marrëzia “OBSH”: Vaksina nuk do të thotë fundi i epidemisë, duhet…

Të gjithë ata që shpresat e fundit për ta luftuar makthin COVID-19 i kishin te vaksina, ta harrojnë! Kështu të paktën na mëson Organizata Botërore e Shëndetësisë, OBSH, e cila sot vazhdon me parashikime shumë më të errëta, duke folur për rritjen e numrit të të vdekurve nga COVID-19 në Evropë gjatë muajve tetor dhe nëntor.

“Do të bëhet shumë më vështirë. Në tetor dhe nëntor do të jemi dëshmitar të rritjes së nivelit të vdekshmërisë,” tha Drejtori i OBSH për Evropën, Hans Kluge, ndonëse me ekipin e tij të shkencëtarëve nuk kanë dhënë asnjë shpjegim pse është rritur dukshëm numri i të infektuarve por jo vdekshmërisë ndërsa me kompetencë flet që në të ardhmen ose më saktë gjatë muajve tetor dhe nëntor, do të rritet numri i vdekshmërisë.

Vaksina nuk do të jetë efikase për të gjithë

Zyrtari i lartë i OBSH për Evropën me seli në Kopenhagë, gjithashtu fiku shpresat e atyre që mendojnë se me zbulimin e vaksinës do të vijë dhe fundi i epidemisë.

“Gjatë gjithë kohës dëgjojmë njerëz që flasin se si vaksina do ti jap fund epidemisë. Sigurisht që jo,” tha Kluge duk shtuar se ende askush nuk e din nëse vaksina do të jetë efikase për gjithë popullsinë botërore.

“Disa shenja tregojnë se do të jetë efikase për disa, por jo për të gjithë,” tha mjeku belg, Hans Kluge, duke sqaruar në fund se pandemisë do ti vijë fundi vetëm atëherë kur si bashkësi do të mësojmë të bashkëjetojmë me të.

“E kjo varet nga ne dhe ky është një mesazh shumë pozitiv,” përfundoi Kluge edhe pse nuk kishte për qëllim arsyetoi dhe më shumë ata që nuk kanë fare besim tek Organizata Botërore e Shëndetësisë, shpikjet e tyre me protokolle dhe lemerinë që i shkaktuan botës me parashikime nekrologjike. Dhe, patjetër duhet shtojmë dhe vendimin e Presidentit Trump, që kjo deklaratë i jep plotësisht të drejtë, të mos jep fonde më për këtë organizatë, që me pandeminë konfirmoi se nuk dihet pse ekziston.

Ndryshe, në 55 vende evropiane, të premten janë shënuar 50.000 të infektuar të ri ndërkohë niveli i vdekshmërisë nuk kishte ndonjë rritje të dukshme.