Marrëzitë e kriminelit Vuçiç/ Japin dorëheqje kryetarët e komunave në veri të Kosovës…

Pas përpjekjeve të dështuara të Presidentit të Serbisë, Aleksandar Vuçiç, që përmes ndërkombëtarëve të anulojnë taksën 100 % të vendosur nga Qeveria e Kosovës, siç duket Vuçiç me listën kriminale serbe “Lista Srpska” ka kaluar në Planin B: dorëheqjen e të gjithë kryetarëve të komunave me shumicë serbe dhe bllokimin e institucioneve vendore.

Pas mbledhjeve të jashtëzakonshme të Kuvendeve Komunale në veri të Kosovës, kryetarët e komunave Mitrovicë Veri – Goran Rakiç, ai i Leposaviçit –Zoran Todiç dhe Zubin Potokut- Stevan Vulloviç, kanë dhënë dorëheqje, dhe sipas Rakiçit që është edhe kreu i Listës Srpska, shkak është politika diskriminuese e Prishtinës ndërkohë pritet edhe dorëheqja e kryetarit të komunës Zveçan, raporton televizioni publik i Serbisë, RTS duke shtuar se komuna e Leposaviçit ka shkuar edhe një hap më tej duke miratuar Deklaratën përmes së cilës ndërprenë të gjitha marrëdhëniet institucionale me Prishtinën zyrtare.

Shefi i Grupit Parlamentar të Listës Srpska, Igor Simiç e përgënjeshtroi lajmin por vendimin e krerëve të komunave në veri e konfirmoi Drejtori i Zyrës për Kosovën pranë Qeverisë së Serbisë, Marko Gjuriç, i cili kishte paralajmëruar para mbledhjeve të përfaqësuesve lokal të serbëve se cili do të jetë vendimi që do të bëhet publik.

“As Kuvendet Komunale dhe as një organ tjetër nuk do të funksionoj deri në tërheqjen e masave diskriminuese dhe ndërprerjes së shkeljeve të të drejtave të njeriut,” tha krimineli serb Marko Gjuriç për Happy TV. Dhe jo vetëm kaq!

Ndërkohë  RTS bënë të ditur se në veri të Kosovës nuk punojnë as gjykatat duke filluar nga ora 9:00 e ditës së sotme, duke u solidarizuar me protestëve e qytetarëve që pritet të filloj në mesditë qendër të komunës Mitrovicë Veri.

Për ata që ishin kundër masës së Qeverisë së Kosovës, kjo iniciativë kriminale e Presidentit të Serbisë, Aleksandar Vuçiç i jep plotësisht të drejtë vendimit të kryeministrit Ramush Haradinaj.

Pas dorëheqjes së kryetarëve të komunave në veri të Kosovës, pritet dekretimi i zgjedhjeve të jashtëzakonshme vendore nga ana e Presidentit Hashim Thaçi