Marshimi paqësor/ Ish-Gjenerali nuk njeh qytetarinë…

Pas marshimit paqësor të opozitës, protestuesit e dhunuar nga policia nën urdhërat e Ish-Gjeneral Sandër Lleshajt tashmë e kanë të qartë pse janë ne spital ose nën pranga: Ky njeri nuk njehë qytetarinë!

Dhe jo vetëm kaq! Zëvendësi i tij, Besfort Lamallari, nuk dënjoi të kërkoj falje pse mashtroi opinionin publik para nisjes së protestës me informacionet që serviri për akte të përgatitura të dhunës dhe bomba molotov ndërkohë për protestën model të opozitës të kryesuar nga Lulzim Basha, shprehu mirënjohje për ambasadorët që bënë thirrje kundër dhunës thuase të shtunë e 11 Majit, këta amabsadorë nuk e bënë këtë detyrë të përcaktuar nga Edi Rama.

Ja ccfarë thotë Zëvdenësi i Ish-Gjeneralit që së bashku që nuk njohin qytetarinë në unison, edhe pse nuk jetojnë dhe punojnë në Kryeministri:

Deklarata e plotë:

Protesta e sotme e Partisë Demokratike nuk arriti të futej në hullitë e ligjit. Ajo u shoqërua me një përdorim të madh të mjeteve të ndaluara dhe të rrezikshme shpërthyese, të gurëve dhe mjeteve të tjera përfshirë dhe pak bomba molotov.

Si rezultat i dhunës u lënduan policë, të cilët janë duke marrë ndihmën mjekësore në spitale, si edhe u thyen xhamat e dritareve në Drejtorinë e Policisë së Tiranës. Institucione kushtetuese si Parlamenti i Shqipërisë dhe Kryeministria u sulmuan sërish sot në mënyrë të jashtëligjshme.

Por krahasuar me sulmet e të shtunës, protestës së sotme i mungoi përdorimi masiv dhe i koordinuar i bombave molotov, çka tregon se kur drejtuesit e protestës angazhohen seriozisht janë të aftë ta kontrollojnë dhunën e militantëve.

Megjithatë, protesta e sotme prodhoi paligjshmëri të shumta dhe vijoi të mbetet pa asnjë masë sigurie të marrë nga organizatorët e saj. Trafiku rrugor pësoi bllokime të vazhdueshme në disa akse kryesore të qytetit dhe pavarësisht përpjekjes së vazhdueshme të efektivëve të policisë rrugore, dëshirojmë t’i kërkojmë ndjesë qytetarëve për vështirësitë në lëvizje mbrëmjen e sotme.

Ministria e Brendshme shpreh mirënjohje për angazhimin profesional dhe për vetëpërmbajtjen e admirueshme të të gjithë forcave policore përballë provokimeve të shumta dhe të vazhdueshme.

Ministria e Brendshme falënderon përfaqësitë diplomatike që u angazhuan kundër dhunës dhe në mbështetje të ruajtjes të standardeve demokratike dhe gjithë qytetarët shqiptarë që i qëndruan larg dhunës dhe provokimeve. Strukturat e rendit dhe sigurisë publike janë të motivuara dhe të përgatitura për të kryer me përpikmëri, profesionalizëm dhe përgjegjshmëri të lartë detyrën në shërbim të ruajtjes së një mjedisi të lirë, të qetë dhe të sigurt, ku gjithkush ka mundësi të ushtrojë të drejtat demokratike.