Masakra e Selenicës, autori dënohet me burgim të përjetshëm

Ritvan Zykaj, autori i masakrës së Selenicës, ku mbetën të vrarë 8 persona, dënohet me burgimin e përjetshëm.

Vendimi u dha në gjykatën e Shkallës së Parë Vlorë.

Prokuroria e Vlorës mbylli hetimet për masakrën e 10 Gushtit 2018 në Selenicë, dhe dorëzoi në Gjykatë kërkesën për gjykim, më datë 8 janar të këtij viti.

Hetimet janë ndjekur nga prokurori Saimir Smaka. Pasi kishim të bëjmë me një ngjarje të rëndë kriminale, akuza kërkoi burgimit përjetë për Ritvan Zykajn.

Ndryshe, më datë 10 Gusht 2018, rreth orës 16:45, në lagjen “Resulaj” të Bashkisë Selenicë, shtetasi Ritvan Zykaj ka vrarë me armë zjarri në banesat e tyre shtetasit: Demir Zykaj, i ditëlindjes 1942; Perri Zykaj, e datëlindjes 1940; Azem Zykaj, i datëlindjes 1969; Afërdita Zykaj e datëlindjes 1971; Besim Zykaj, i datëlindjes 1973; Vasilika Zykaj, e datëlindjes 1978; Sara Zykaj, e datëlindjes 2003; dhe Ledion Zykaj, i datëlindjes 2010.