Masakra e Selenicës/ Zyrtare, si u bë arrestimi i vrasësit 24 vjeçar Ridvan Zykaj

Në orët e para të mëngjesit u bë i mundur arrestimi i autorit të masakrës së Selenicës, Ridvan Zykaj.

Policia i ka sekuestruar armën e krimit tip kallashnikov ndërsa 24 vjeçari është shoqëruar në DVP Vlorë.

24 vjeçari Ridvan Zykaj u arrestua në zonë periferike të Selenicës, konkretisht në dalje të saj pas masakrës makabër që realizoi dje rreth orës 18 në Selenicë të Vlorës.

Zykaj qëlloi me kallashnikov mbi familjarët e tij ku mbetën të vdekur 8 persona, në mesin etë cilëve kishte edhe fëmijë.

Makabritetin e gjithë kësaj ngjarje tragjike e shtoi edhe sjellja e vrasësit në rrjete sociale. Ai filloi madje të debatoi me komentuesit.

Emrat e viktimave

 1.Demir Zykaj, 75 vjeç (Vëllai i gjyshit të autorit)

2.Ferie Zykaj, 72 vjeçe, (Gruaja e Demirit)

3.Besim Zykaj, 42 vjeç (Djali i Demirit)

4.Vasilika Zykaj, (Gruaja e Besimit)

5.Sara Zykaj, 17 vjeçe (Vajza e Besimit)

6.Ledjon Zykaj 9 vjeç (Djali i Besimit)

7.Azem Zykaj (Djali i Demirit)

8.Afërdita Zykaj (Gruaja e Azemit)

Ndryshe, nga vendi i ngjarjes është raportuar se autori Ridvan Zykaj ka qëlluar me breshëri automatiku, ndërsa ka përdorur thuajse 2 karikatorë, duke vrarë në pak minuta tetë persona dhe gjashtë të tjerë të plagosur.

Njoftimi i policisë:

“Si rezultat i punës së mirëorganizuar, krehjes së territorit, kontrolleve të shumta dhe pa ndërprerje gjatë gjithë natës edhe me anë të qenit gjurmes, të përdorur nga ana e strukturave Policore të DVP Vlorë, RENEA, FNSH dhe Delta Forcë, u bë e mundur kapja e autorit të krimit Ridvan Zykaj në një zonë periferike në dalje të Selenicës.

Gjithashtu u sekuestrua edhe arma e krimit, një kallashnikov.

Autori është shoqëruar në DVP Vlorë, për veprimet e mëtejshme. Materialet hetimore do t’i referohen Prokurorisë së Rrethit Gjyqësor Vlorë për veprën penale ”Vrasje në rrethana cilësuese, ndaj dy ose më shumë personave”, parshikuar nga neni 79/dhe i Kodit Penal’.