Masakra në Resulaj, 8 të vdekur. Të plagosurit nisen drejt Tiranës, RENEA drejtë Selenicës…

Pak minuta më parë ka ndodhur një ngjarje e rëndë në Resulaj të Vlorës, ku një 24 vjeçar ka qëlluar me kallashnikov mbi disa persona, duke lënë 8 të vdekur dhe 6 të plagosur.

Mësohet se, sherri ka nisur nga dy persona të fisit “Zykaj” për një konflikt pronësie. 24 vjeçari Ridvan Zykaj qëlloi mbi disa persona duke lënë 6 të vdekur ndërkohë që 2 të plagosurit rëndë e humbën betejën me vdekjen.

Në ndjekje të autorit të kësaj masakre janë vënë forca të shumta të policisë të cilët tani kanë identifikuar vendndodhjen e autorit dhe në ndihmë të këtyre focave drejtë Selenicës janë nisur forcat RENEA, FNSH dhe DELTA, pasi autori është i armatosur dhe dyshohet se është me probleme mendore.

Ndihma e kërkuar me helikopter ka mbërritur dhe të plagosurit në gjendje të rëndë janë nisur drejt spitalit të Traumës në Tiranë.

Informacion paraprak i Policisë

Më datë 10. 08. 2018, në fshatin Resulaj, Selenicë, shtetasi Ridvan Zykaj, 24 vjeç, për motive ende të paqarta ka vrarë me armë zjarri  8 persona nga dy familje te fisit Zykaj.

Autori pas krimit është larguar ku forca të shumta të Policisë, Renea, Delta Forcë, Fnsh,  dhe forcat e  Drejtorisë  Vendore të Policisë  Vlorë janë vënë në ndjekje  dhe po krehin zonën për të bërë të mundur kapjen e tij.

Grupi hetimor nën  drejtimin  e Prokurorit   ndodhet  në vendngjarje dhe po punon  për zbardhjen e plotë të rrethanave të ngjarjes.