Masakra Urbane/ Dokumenta, Ina Zhupa: Ja pse kulla tek Sahati i Tiranës është shkelje ligjore

“Me VKM nr. 325 datë 12.4.2017 , Këshilli i Ministrave ka miratuar shpalljen e qendrës historike të qytetit të Tiranës kryesisht qendrën e qytetit me objektet e lashta përreth duke e konsideruar zonën të mbrojtur dhe për ta kufizuar nga ndërtimet. Në nenin 21, pika 2 të Rregullores së Planit të Përgjithshëm Vendor të Baskisë Tiranë , zona TR1 që është zona më e rendësishme e qytetit të Tiranës dhe është trashëgimi kulturore është miratuar zonë me destinacion për ndërtime me intensitet zhvillimi të lartë, një miksim ndërmjet godinave të vjetra ekzistuese dhe atyre te trashegimisë kulture dhe godinave te larta që ofrojn shërbime banimi , biznes , hoteleri, zyra dhe shërbime,” thekson Ina Zhupa duke shtuar se ky miratim i kësaj klauzole në Rregulloren e Planit të Pergjithshëm Vendor të Baskisë Tiranë është në kundërshtim me VKM nr. 325 datë 12.4.2017 që është miratuar po nga Rama. Ja dokumentat:

Dokumentat:
1. Neni 21, pika 2 i miratuar në Rregulloren e Planit të Përgjithshëm Vendor të Baskisë Tiranë
2. VKM nr. 325, date 12.04.2017
3. Harta e miratuar me v.k.m nr.325 që përcakton zonën e qendrës si zonë të mbrojtur dhe qendër historike të qytetit të Tiranës .
4 . Faqen 5 të dokumentit të vecantë të lejes se objektit kulle 24 kate , ku është caktuar zona TR1 si zonë zhvillmi per ndërtimin e kullës.
5 . Faqen 17 të dokumentit të vecantë pasqyrohet pamja vizuale e projektit të Kullës, sipërfaqja e përgjithshme e truallit 4639.8 m2 , sipërfaqja e truallit të zënë nga struktura 3178 m2 , ku siperfaqja e pergjithshme e ndertimit do të jetë 26692 m2 , gjatesia e Kullës mbi 77 metra

“Miratimi i zonës TR1 me destinacion për ndërtime të larta shkatërron historinë e trashëgimisë kulturore të qytetit duke i sjell kulles së Sahatit një kullë 77 metra vetëm 8 metra larg. Sahati, një nga simbolet e qytetit të Tiranës, do jetë në hijen e korrupsionit dhe vjedhjes Rama-Veliaj me emrin kullë,” thekson Zëdhënësja e Partisë Demokratike, Ina Zhupa duke përfunduar

“Erioni Betoni po e shkatërron Tiranën, në çdo cep të saj dhe në çdo drejtim. Erion Veliaj, nuk është kryebashkiaku që meritojmë.”

Jo postimi i plotë:

Ja pse kulla tek Sahati i Tiranës pervec klienteliste dhe masaker urbane, është edhe në shkelje ligjore. Kulla dëmton qendren historike të Tiranës që është trashegimi kulturore-historike. Por kjo nuk ka rëndesi për Erioni Betonin!!!