Masat e reja Anticovid, reagon Ish-Ministri: Vaksinimi me detyrim, vetëm me vaksina të miratuara nga EMA

Pas miratimit të masave të reja Anticovid nga Komiteti Teknik i Ekspertëve ka reaguar Partia Demokratike përmes Ish-Ministrit të Shëndetësisë dhe deputetit, Prof.Dr.Tritan Shehu duke theksuar se Komiteti sot vendosi detyrimin e vaksinimit, por pa përcaktuar detyrimet e shtetit për këtë, në mbrojtje të efikasitetit e të shëndetit të qytetarëve:

“Kjo procedurë mund të programohet vetëm atëherë kur për shqiptarët do të aplikohen ekskluzivisht vaksina të sigurta të miratuara nga EMA, dhe asgje tjetër, gjë që kërkon mbi 5 milionë doza të tilla për imunizimin në tërësi. Ndryshe ky ‘detyrim’ përbën një vepër penale të rëndë, që vë në rrezik me detyrim shëndetin e qytetarëve,” thekson Prof.Dr.Tritan Shehu në reagimin e tij përmes rrjetit social Facebook duke shtuar se ky Komitet nuk deklaron uljen e moshës së mundësisë së vaksinimit nën 12 vjec, megjithëse pranon rritjen e sëmundëshmërisë në moshat e reja.

Në fund, Ish-Ministri i Shëndetësisë, Prof.Dr.Tritan Shehu thekson se Komiteti Teknik nuk thotë asgjë as për masat tjera të gjëra e të domosdoshme:

“Ndaj Kujdesit Parësor, Spitalor, Reanimacioneve, Laboratoreve, testimeve, mbrojtjes së personelit shëndetësor e deri te ato të gjëra për qytetarët.

Ndryshe, pas situatës së krijuar epidemiologjike me COVID-19, Komiteti Teknik i Ekspertëve mori vendim për masat e reja Anticovid:

Reagimi i Prof.Dr.Tritan Shehut:

Covid, me ne fund Qeveria fillon te belbezoje, por…

“Komiteti teknik” sot vendos “detyrimin” e vaksinimit, por pa percaktuar detyrimet e shtetit per kete, ne mbrojtje te efikasitetit e te shendetit te qytetareve:

1-Kjo procedure mund te programohet vetem atehere kur per shqiptaret do te aplikohen ekskluzivisht vaksina te sigurta te miratuara nga EMA, dhe asgje tjeter, gje qe kerkon mbi 5 milion doza te tilla per imunizimin ne terresi.
Ndryshe ky “detyrim” perben nje blla blla blla e deri nje veper penale te rende, qe ve ne rrezik me detyrim shendetin e qytetareve.

2- Nuk flitet per domosdoshmerine e ri vaksinimit me dy doza te certifikuara te gjithe atyre, qe deri me tashti jane vaksinuar me ato vaksinat e pa certifikuara, kineze apo ruse.

Ndryshe pika e pare e vendimit nuk ka asnje kuptim e efikasitet.

3-Ky “komitet” nuk deklaron uljen e moshes se mundesise se vaksinimit ne 12 vjec, megjithese pranon rritjen e semundeshmerise ne moshat e reja.

4- Nuk thote asgje per apilikimin e dozes se trete, qe tashme po behet protokoll ne shume vende.

5- Nuk thote asgje per masat e tjera te gjera e te domosdoshme ndaj Kujdesit Paresor, Spitalorit, Reanimacioneve, Laboratoreve, testimeve, mbrojtjes se personelit shendetesor e deri te ato ta gjera per qytetaret.

Pra megjithese duket si nje fillim zgjimi nga letargjia, perseri ngel vetem ne percatje gjate gjumit!