Mashtrimi i radhës, Meta: Në shtator fillon përgatitja për krijimin e një qeverie teknike!
Pas mashtrimit të 2 Marsit 2021 për shpërbërjen e Parlamentit të Shqipërisë, sot shqiptarë dëgjuan nga Ilir Meta, tashmë kryetar i Partisë së Lirisë, mashtrimin e radhës: Në shtator do të nisë puna për krijimin e një qeverie teknike!
Ky mashtrim bëhet më i shpifur se ai i 2 Marsit pasi ishte një përgjigje në paralajmërimin e Taulant Ballës për ndërhyrje ligjore për të rishikuar çertifikatën e pastërtisë së figurës së kujtdo që ka hyrë në politikë.
“Lidhur me këtë iniciativë kam një kundërshtim shumë serioz, se në shtator do punojmë për një qeveri teknike se duhet ti dalim për zot çështjes së negociatave,” tha Meta duke folur dhe për shpikjen e tij të madhe për konsum politik, Referndumin:
“Ato produktet e këshillimit kombëtar do shkojnë te djegësit sepse nuk ekzistojnë, së dyti do të behët çdo gjë që referendumi të jetë i zbatueshëm, këtë të drejtë kushtetuese zoti Haxhinasto do të koordinojë përpjekjet e tij me gjithë faktorët e tjerë. Nëse zgjidhet që në shtator, një gjë e mrekullueshme, por në çdo rast kjo është një imperativë e kohës, madje jemi të vonuar, në mënyrë që ti mbajmë shqiptarët këtu dhe të kthejmë ata që kanë humbur besimin tek shteti i së drejtës.”
Gjithsesi, kjo dalje publike nuk është se i ka shërbyer njeriut për politikë, ama kur flasin Ilir Meta dhe Edmond Haxhinasto për shtetin e së drejtës të qeshurat nuk kanë munguar ndër shqiptarë normal!
