Mashtron dhe alarmon, Vuçiç: Në Kosovë po bëhet një spastrim etnik, do kërkojë seancë në KS OKB

Ndonëse kishte paralajmëruar një dalje publike që do ti drejtohet kombit, Presidenti i Serbisë, Aleksandar Vuçiç, doli por për të gënjyer kombin dhe bashkësinë ndëkombëtare. Kombit i tha se në Kosovë po bëhet spastrim etnik, do kërkoj takim me shefin e NATO-s, Jens Stoltenberg, dhe në seancë urgjente të Këshillit të Sigurimit të Kombeve të Bashkuara, bazuar në detyrimet e Rezolutës 1244, sipas tijë, që të çmilitarizoj të gjitha formacionet e armatosura.

“Serbia ka plotësuar të gjitha që janë kërkuar nga ajo. Deri te shtensionimi nuk po vjen sepse Prishtina nuk dëshiron,” tha Vuçiç duke vazhduar me mashtrime që vetëm Edi Rama i beson dhe mediat kosovare në shërbim të Beogradit, dhe që asnjë fjalë të vetme nuk raportojnë kundër dhunës serbe; Madje, edhe sot citojnë këtë mashtrues ordiner në shërbim të Putinit, me gjuhën e të cilit përdoret dhe opozita kosovare.

“Sot vendi jonë ndodhet në situatë të vështirë, jo me fajin e saj, jo me mosseriozitetin e saj, por aktivitetet e përditshme të regjimit në Prishtinë, ose atyre që heshtin ose shikojnë këto aksione duke i miratuar, ato që zbatojnë atë që unë do ta quaja spastrim etnik në heshtje, ku serbët nuk kanë të drejtë të jetojnë me përjashtim të atyre që i janë betuar regjimit të Albin Kurtit, Këta për fat janë shumë pak në numër,” tha Vuçiç për serbët që nuk kanë të drejtë të jetojnë në Kosovë por vetëm të vrasin, e nëse pengohen nga ushtarët e KFOR-it, janë po këta serbë që i rrahin ushtarët e misionit të NATO-s për vdekje.

Por Vuçiç nuk ndalon këtu! Vazhdon mashtron dhe çuditërisht në këtë dalje publike tha se nuk i shkon ndër mend të gënjej popullin, edhe pse askush nga të pranishmit nuk e kishte akuzuar se po gënjen. Por, ja që gënjeu edhe me këtë rast:

“Aksioni i dëbimit të serbëve dhe spastrimit etnik i cili po zbatohet nga regjimi i Prishtinës ndja popullit serb në Kosovë është i mirëorganizuar dh epo mbështetet nga disa qarqe të bashkësisë ndërkombëtare. Në Prishtinë kanë marrë vendim që të arrestojnë, vrasin dhe largojnë nga Kosova të gjithë serbët që janë parë dhe konsiderohen si pikë rezistence e regjimit të Prishtinës, dhe mund të kundërshtojnë vendimet e njëanshme,” tha ministri i propagandës në vitet ’90 të Slobodan Milosheviçit i cili po shqetësohet pse regjimi serb ka kohë që nuk ka vrarë asnjë shqiptar!

Dhe, akuzon Policinë e Kosovës pse po lufton krimin! Por nuk mjaftohet me kaq, akuzon deputeten britanike Kerns e cila ka akuzuar Kishën Ortodokse të Serbisë se po trafikon armë!

Nuk tha asgjë për priftërinjtë trafikant por e akuzoi Kryetaren e Komisionit për Politikë të Jashtme pranë Parlamentit të Mbretërisë së Bashkuar si antiserbe.

“Zonja mos u shqetëso, ne po hetojmë kundër jush, të shohim se pse po e bëni këtë, nëse Qeveria e Britanisë së Madhe nuk reagon, ne do të detyrohemi,” kërcënoi Vuçiç duke cituar disa aksione ku janë ndaluar abulanca por nuk janë gjetur asgjë.

Ndërkohë që Vuçiç po akuzonte dhe kërcënonte, RFE raporton se Gjermania kishte ndërprerë përkohësisht bashkëpunimin me Kosovën në disa fusha të caktuara. Duke cituar Ambasadën e Gjermanisë në Prishtinë, kjo masë vjen për shkak të mospërmbushjes së kërkesave të Bashkimit Evropian për shtensionimin e situatës në veri të Kosovës.

“Masat përfshijnë shtyrjen e konsultimeve qeveritare për bashkëpunimin për zhvillim, pezullimin e një partneriteti të parashikuar dypalësh rreth klimës dhe dorëzimin e pajisjeve specifike për ofruesit e sigurisë,” thekson Ambasada e Gjermanisë për RFE duke folur për ndëshkimin e Kosovës por jo dhe Serbisë që po shkatërron përveç se qetësinë e veriut edhe atë politike, duke e lënë Kosovën thjeshtë pa opozitë ose me një opozitë në shërbim të Vuçiçit!

Në fund, tha se është për negociata por do kërkoj mbledhjen e Këshillit Sigurimit OKB, dhe duke cituar ca nene i futi dhe një mashtrim bazuar në Rezolutën 1244, me të cilin do kërkoj çmilitarizimin e forcave të sigurisë në Kosovë.

“Në mbledhjen e KS OKB do kërkoj masa urgjente për mborjtjen e serbëve në Kosovë. Konkretisht, do kërkojmë që të urdhërohet KFOR-i që të zbatoj detyrimet e përshkruara nga Neni 9 dhe 15 i Rezolutës 1244, si dhe Nenet 3 e 4 Аneksi 2 i kësaj Rezolute,” tha mashtruesi Vuçiç duke komentuar se kjo do të thotë se të pamundësohen në teren veprimet e të gjitha forcave të sigurisë dhe strukkturave tjera të Prishtinës që cenojnë jetën, lirinë, sigurinë, dinjitetin e serbëve në Kosovës dhe të çmilitarizohen të gjitha formacionet shqiptare në përputhje me Rezolutën 1244.

Ndryshe, nuk dihet nëse do të ketë President më të çmendur Serbia, por, Aleksandar Vuçiç, përveç mashtrimeve të tij sot, në ditën e Vidovdanit tregoi se është në gjendje të sakrifikoi edhe djalin e vetë vetëm për të qëndruar në pushtet!