Mashtrues Sy m’Sy, 24 vjet nuk i dha Tiranës ujë, për 2 vjet thotë se do e anëtarësoj Shqipërinë në BE
Tre mandate si Kryetar i Bashkisë Tiranë dhe tre mandate si Kryeministër, Edi Rama nuk arriti ta furnizoj kryeqytetin shqiptar me ujë ashtu siç premtoi 24 orë, dhe sot gënjen Sy m’Sy se për 2 vjet do ta anëtarësoj Shqipërinë në BE.
Për mosmbajtjen e premtimit për furnizim me 24 orë ka një shpjegim të çuditshëm, thuase nuk e dinte njeri në këtë tokë se cila ishte situata, aq më shumë një njeri që kishte menaxhuar Tiranën:
“Për ujin 24 orë, kur ne morëm detyrën, kishte ujë 24 orë në 4 zona urbane, sot ka ujë 24 orë 43 zona urbane dhe 98 zona rurale. Janë 11 kantiere të hapura dhe do duhet të hapim 5 kantiere të tjera në mandatin e katërt. Shqipëria nuk ka pasur kurrë ujë 24 orë, as në kohën e komunizmit.
Edhe këtu, disa mund të flasin si të duan, duke u nisur nga mllefi, tifozllëku, politika, nga arsye që nuk kanë të bëjnë me faktet, por këto që unë them, i dëgjojnë të gjitha. Në 11 maj, do marrim shumicën absolute, përsëri,” tha Mashtruesi i Tiranës, Kuçit dhe gjithë Shqipërisë, Edi Rama, duke kërkuar mandatin e katërt duke tundur përveç tubat me ujë edhe pasaportën evropiane.
Ndryshe, shqiptarët edhe mund ta besonin Edi Ramën për integrimin e Shqipërisë në BE, por, kur ai nuk arriti për 20 vjet sa është në krye të Partisë Socialiste ta integroj qoftë dhe një biznesmen socialist në sistemin kapitalist, por, që të gjithë i ka mjelës të pushtetit dhe abuzues tenderash, atëherë askush nuk pret përgjigje nga Brukseli kur paraprakisht e ka të qartë përgjigjen me gotën e mbushur deri nga gjysma me reforma dhe ligje të suvatuara bukur dhe gjysmën tjetër me korrupsion dhe vjedhje!
Sa për ujin 24 orë, shqiptarët tashmë janë të qartë, ujë edhe mund do të kenë, por kjo mund të ndodhë vetëm kur Edi Rama të largohet nga pushteti!
Në fund, ndërsa liderët tjerë politikë bëjnë thirrje për pjesëmarrje sa më të madhe në zgjedhje, Edi Rama përveç se i bëri thirrje shqiptarëve që të bojkotojnë zgjedhjet nëse do të votojnë koalicionin e Sali Berishës, me mendësinë që ka për zgjedhje i bindi të gjithë ata që e konsideronin legjendë urbane nga zgjedhjet e kaluara, blerjen e kartave të identitetit të atyre që nuk janë socialistë për të mos dal në zgjedhje, për t’ju kthyer një ditë pas zgjedhjeve.
“Më 11 maj mos bëni gabim të votoni kënetën. Shikoni atë e kap gjumi herë pas here, e ka nga mosha e thyer, nuk ka faj. Ore kurrë mos më votofshi mua dhe Partinë Socialiste, por si mund të shkoni pas një të roituri. Rrini në shtëpi. Më mirë mos dilni fare nga shtëpia dhe mos hidhni votën në kënetë.”
