“Maskat e skaduara”/ Denoncon PD, Edi Rama: Shpifje, sherr, rrëmujë…

Pas denocimit të Partisë Demokratike dhe kryetarit të saj Lulzim Basha për maskat e skaduara që përdorin mjekët kundër koronavirusit, ka reaguar Kryeministri Edi Rama përmes rrjetit social Twitter, duke duke theksuar se në vendin tonë ka vetëm një palë maska të skaduara, ato që nuk ndalen së kërkuari pushtet me shifje.

“Ka vetëm një palë maska të dëmshme në Shqipëri: Maskat e atyre që dhe kur ky vend lufton me jetën nën gërmadhat e tërmetit apo me një virus kërcënues për planetin, s’ndalen së kërkuari pushtet me shpifje, sherr, rrëmujë! Po përsëri Shqipëria do t’ia dalë sepse shqiptarët s’janë vetëm!”

Ndryshe, përfaqësuesit e Grupit të Punës pranë Partisë Demokratike për monitorimin e situatës me koronavirus, Gazment Bardhi, Albana Vokshi dhe Bardh Spahia, gjatë inspektimit të masave të marra në Qendrën Shëndetsore të Kamzës kanë konstatuar se 1 milion e 200 mijë maskat e shpërndara nga Ministria e Shëndetësisë janë të skaduara që nga 20 dhjetori i vitit 2011.

Këtë e ka konfirmuar edhe Kryetari i Partisë Demokratike, Lulzim Basha në daljen e tij publike ku ka fol për rrezikun e personeli shëndetësor nga koronavirusi me maska të skaduara dhe spitalet totalisht të papërgatitura për fluksin ndërsa këshilloi të ndiqen me përpikëri këshillat e mjekëve:

“Personeli shëndetësor rrezikon me maska të skaduara. Ata kthehen në viktimat e para dhe transmetues të virusit te qytetarët. Kjo është papërgjegjshmëri totale. Spitalet janë totalisht të papërgatitura për fluksin, e kam fjalën për ata që do kenë nevojë për trajtim në kushte spitalore. Kapacitetet aktuale nuk kalojnë 120 njësi të përgatitura për të trajtuar 120 të infektuar, që ju kërcënohet jeta. Kjo është kronikë e një dështimi.”