Matjanët i kërkojnë Bashës: Në 16 Shkurt, në tokë atë drogaxhi, atë barbon…
Kryetari i Partisë Demokratike, Lulzim Basha në turin e tij nëpër Shqipëri, pas takimit me qytetarët dhe biznesin në Burrel konstatoi se i gjithë vendi është në krizë por Mati dhe Kukësi janë të më të goditurit dhe e ndjejnë në palcë.
“Burreli është goditur shumë rëndë nga kriza ekonomike. E gjithë Shqipëria është goditur, por Mati dhe qytete si Kukësi, e ndjejnë në palcë. Arsyeja është vjedhja, sepse taksat e larta, çmimi i lartë i naftës dhe energjisë, janë vjedhje e pastër. Para që hiqen nga xhepi i njerëzve dhe i shkojnë hajdutëve në qeveri dhe krimin,” tha Lulzim Basha duke shtuar se bana e Edi Ramës është kapur duke vjedhur biznesin, studentët, minatorët, naftëtarët, shëndetësinë, votat dhe këta po ju heqin bukën e gojës për të mbushur xhepat e tyre dhe kriminelëve dhe hajdutëve për të cilët punojnë.
“Këta kanë dalë lakuriq para syve të botës sepse janë kapur duke vjedhur. Nisën të prishën shtëpitë në Tiranë ku kishte edhe Matianë. Sepse donte të merrte lek kompania DH Albania që nuk ekziston fare, 18 milionë euro. Të njëjtës kompani OST do t’i jepte 12 milionë euro. Teatrin në Tiranë do ta prishnin për 200 milionë euro, tha kryetari i Partisë Demokratike, Lulzim Basha duke shtuar se me paratë që kanë vjedhur nga qytetarët, kanë blerë karriget e tyre dhe në Mat nuk është bërë asnjë rrugë, ndërsa përfundoi:
“Ju ftoj të gjithë me 16 shkurt, nga gardhi matanë policëve është hajduti, ndërsa pjesa këtej është pala e vjedhur. Na ndihmoni të hapim atë derë. Të bashkohemi të gjithë për Shqipërinë si gjithë Evropa. Hajdutët duhet të shkojnë në burg. Ky është thelbi i ditës së shtunë.”
Në datën 16, në tokë, atë legen, atë drogaxhi, atë barbon…
Ushtria e të paknaqurëve në Burrel nuk kishte fund, madje një grua i kërkoi kryetarit të Partisë Demokratike që në 16 Shkurt ose ta rrëzojnë Ramën, ose mos të dalin në protesta.
Gruaja: Një sahat e më parë ta shporim këtë. Na ka ardhur në majë të hundës. Shkon në Gjermani për të bërë piktura. Mua nuk më hyjnë në punë pikturat e atij, unë dua bukë për të ngrënë. Çmimi i naftës, dritat, uji, tatimet, budalliqet në na është marrë fryma. Në datën 16 o shkoni ta rrëzoni ose mos shkoni hiç. Në tokë, atë legen, atë drogaxhi, atë barbon.
Basha: Në datën 16, do bëjmë atë që bën çdo popull…
Gruaja: Ik se ai është barbon or ti. Na i ka prur në maj të hundës or zotëri
Basha: Çdo popull në Evropë i përzen hajdutët nga qeveria
Gruaja: Ai është kriminel or ti, unë nuk e di si e bajnë. Sa veta ka në Surrel që mbron shtëpinë e tij dhe gruan e tij, a i paguan me para ata njerëz.
Basha: Ke të drejtë.Gruaja: Ato janë lekët tona. Na ka ardhur në majë të hundës.
