Matthew Palmer sot viziton Maqedoninë e Veriut

I dërguari i posaçëm i Departamentit amerikan të Shtetit për Ballkanin, Matthew Palmer, sot viziton Shkupin.

Matthew Palmer do të pritet nga ministri i Jashtëm i Maqedonisë së Veriut, Nikolla Dimitrov, ku sipas kësaj ministrie pritet të diskutohen zhvillimet e përgjithshme të marrëdhënieve dypalëshe midis Maqedonisë së Veriut dhe Shteteve të Bashkuara, si dhe mbështetja e SHBA-së për integrimin euro-atlantik të Maqedonisë së Veriut, raporton RFE.

Këtë muaj, Bashkimi Europian ka dështuar të marrë vendim për hapjen e negociatave të anëtarësimit me Shkupin dhe Tiranën.

Palmer, në një seancë të Kongresit amerikan javën e kaluar, tha se është “zhgënjyer thellësisht” nga ky qëndrim i BE-së, dhe se mosveprimi i Këshillit Europian e dekurajon gatishmërinë e liderëve të Ballkanit për të zbatuar reforma.