Matura Shtetërore, ja kur do të mbahen provimet

Sot janë publikuar datat për provimet e Maturës Shtetërore për nxënësit që ndjekin arsimin e përgjithshëm dhe atë profesional ndërsa testet model për provimet e ardhshme do shpërndahen në shkolla në muajin Janar 2024.

“Për orientimin dhe përgatitjen e maturantëve, testet model për provimet e ardhshme, ndryshe nga vitet e shkuara, do shpërndahen në shkolla që në muajin Janar 2024. Suksese të gjithë nxënësve tanë,” thekson ministrja e Arsimit, Ogerta Manastirliu, përmes rrjetit social Facebook duke publikuar dhe datat e sakta të provimit.

Kështu, provimi i Gjuhës së huaj do të zhvillohet më datë 3 qershor, Gjuhë shqipe dhe letërsi në 10 qershor, Matematikës 18 qershor, ndërsa provimi për Teorinë profesioniale do të mbahet në 24 qershor.