Maxhoranca +Teuta Rugova pritet ta votojnë Ekipin negociator…

Maxhoranca e ndihmuar nga deputetja e LDK-së, Teuta Rugova për të krijuar shumicën e nevojshme për mbajtjen e një seance me 61 deputetë, pritet të vazhdojnë seancën e jashtëzakonshme e cila u ndërpre për arsye të pakuptueshme, për të votuar në orën 16:30 Ekipin negociator të propozuar nga Kryeministri Ramush Haradinaj. Seanca nuk filloi por u bë e ditur se do të vazhdoj në 18:30 ndërsa kandidatët e propozuar  janë: Enver Hoxhaj, Behgjet Pacolli, Dardan Gashi, Avni Arifi dhe Mahir Yagcillar, ndërsa vendet e tyre në këtë ekip i kanë edhe partitë opozitare dhe shoqëria civile.

Burime brenda maxhorancës kanë bërë të ditur se seanca nuk u zhvillua në orën 16:30 për shkak të mungesës së deputetëve serbë të cilë janë penduar pse ishin prezent në seancën e para ditës.

Kjo seancë e jashtëzakonshme për Ekipin negociator u thirrë nga kryeministri pasi opozita e kishte kërkuar dhe ajo ishte miratuar në Kryesinë e Parlamentit, një seancë të jashtëzakonshme për të ndaluar angazhimin e presidentit të Kosovës, Hashim Thaçi, për përfshirjen e “shkëmbimit të territorit” apo ” korrigjimin e kufijve” në dialogun në mes Kosovës dhe Serbisë.

Seanca e thirrur nga kryeministri Haradinaj e bënë të pakuptueshme këtë seancë të jashtëzakonshme përveç mungesës së shumicës parlamentare dhe opozitës edhe për zgjedhjen e Ekipit negociator në kohën kur Kosova nuk ka asnjë Platformë të miratuar për pjesëmarrje në negociatat me Serbinë, sepse ajo ishte paralajmëruar nga Qeveria dhe nuk ishte sjellë në Parlament për miratim, për shkak të mospjatimeve të mëdha në mes të maxhorancës dhe opozitës.

Kështu Kosova pritet të miratoj Ekipin negociator i cili do ta përfaqësoj Kosovën më 7 shtator në bisedimet me Serbinë në Bruksel, pa pëlqimin e opozitës dhe pa e pasur një Platformë të qartë se për çfarë kanë mandat ata të negociojnë dhe të përfaqësojnë shtetin e Kosovës.