Mbërritja e USS Mount Whitney në Shqipëri, Ambasada SHBA: Anulohet për shkak të një procesi mirëmbajtjeje

Ambasada e Shteteve të Bashkuara në Tiranë ka bërë të ditur sot është anuluar mbërritja e anijes së forcave detare amerikane, USS Mount Whitney, në Shqipëri për shkak të një procesi mirëmbajtjeje të paparashikuar.

“Për shkak të një procesi mirëmbajtjeje të paparashikuar, mbërritja e USS Mount Whitney në Shqipëri ka ndryshuar, dhe koncerti në Tiranë, i planifikuar fillimisht për sot, është anuluar. Ju falënderojmë për mirëkuptimin,” thekson Ambasade amerikane në Tiranë përmes rrjetit social duke konfirmuar partneritetin e ngushtë mes Shteteve të Bashkuara dhe Shqipërisë ndërsa përfundon:

“Ne vazhdojmë të presim me kënaqësi mbërritjen e USS Mount Whitney në Porto Romano dhe të theksojmë partneritetin e ngushtë mes Shteteve të Bashkuara dhe Shqipërisë.”