Mbështesim grevën e pedagogëve, Berisha: Ne do mbushim rrugët dhe sheshet, kështu s’ecet më!
Duke shprehur solidaritetin me grevën e përgjithshme të pedagogëve për nesër në orën 11:00, Kryetari i Partisë Demokratike, Sali Berisha, tha para Grupit Parlamentar se PD ka agjendën e vetë të protestave dhe do mbush rrugët dhe sheshet se nuk ecet kështu më kur shohim që interesat e qytetarëve shkelmohen çdo ditë e ligji nuk ekziston.
Ne, u zotua Kryetari i PD para deputetëve të Partisë Demokratike, do të jemi në ballë të protestave popullore në mbrojtje të interesave të qytetarëve.
“Sot, elita e kombit tonë, e cila ka si shtëpi të saj, universitetet e vendit, është në grevë, është në protestë për kërkesat më elementare që mund të paraqesë një trup akademike, studentore dhe punonjës të
universiteteve.
Elita akademike universitare përbën një pasuri të çmuar për kombin, de facto përbën truri e kombit. Dhe përbën pa diskutim promotorin e dijeve për zhvillimin e vendit, përbën një investim të jashtëzakonshëm, që qytetarët shqiptarë kanë bërë për formimin e tyre.
Kjo elitë, në vitet e fundit u keqtrajtua në mënyrën më të pamerituar. Kjo elitë si në asnjë vend tjetër të Europës dhe botës, për 8 vite, u privua tërësisht nga procesi i gradimeve shkencore, që përbën dhe shtyllën më kryesore të kërkimit shkencor në universitetet e të gjithë botës. Në doktoraturat që drejtohen nga katedra dhe departamentet, qëndrojnë universi i shpikjeve, i zhvillimeve, i studimeve shkencore të rëndësishme, dhe i lartësimit të godinës së dijes të çdo vendi,” Sali Berisha dhe me një të rënë të lapsit, me një urrejtje të papërshkruar ndaj pedagogëve të universiteteve, ata u privuan nga ky funksion jetik për zhvillimin, përparimin, lartësimin, konsolidimin e tyre si elitë kombëtare.
“Këtë e pësuan një lloj, demokratë, socialistë, të paparti, çfarë ishin pedagogë. E kemi ngritur dhjetëra herë në parlament një gjë të tillë. Mund t’ju them se institucioni i vetëm që vazhdonte doktoratura ishte institucioni që kishte dorëzuar një mega-ryshfet në qeveri. Pra një institucion privat. Institucionet universitare publike nuk lejoheshin nga ministria që të udhëheqin doktoratura.
Mirëpo qytetarët shqiptarë duhet ta dinë se doktoraturat janë elementi më thelbësor i kërkimit shkencor. Ai që e kryen dhe ai që e udhëheq, në një bashkëpunim të ngushtë arrijnë të japin një produkt, herë-herë edhe original, herë-herë edhe themelor për shkencën, pavarësisht se jemi në Shqipëri. Kjo ka ndodhur edhe në vitet e diktaturës, jo më në vitet e lirisë, jo sot që ne kemi studjues të cilët absolutusht kanë studime origjinale dhe themelore saç kishte universiteti në kohën time të gjitha së bashku. Me dhjetra, për mos thënë me qindra. Dhe ky, një urrejtës I kërkimit shkencor e ndaloi. Po cila ishte arsyeja? Pse mban një pedagog 20 diploma. Shumë mirë, bëjë normën, një pedagog 3 dipolma. Por jo ta ndalosh.”
Këto vendime, tha Berisha, u morën pasi Edi Rama vuri në krye të arsimit një person që kishte problemet më serioze me shkollimin e vet.
“Tani u kthehet përsëri, pasi i ka fundosur për tetë vite me radhë, duke I mbajtur pak kërkime shkencore, duke u marrë me punësimin e tyre, jo s’mund të keni kaq punësime, jo aq punësime, duke ndërhyrë në kohën e tyre. Duke u mbajtur rrogat në rënie çdo vit për shkak të inflacionit. Tani vërsulet
ndaj kërkesave më minimale të pedagogëve, punonjësve dhe studentëve, absolutisht sikur ta kishte nxjerrë Enver Hoxha nga hunda. Apo sikur ky universitet ta kishte emrin “Spiro Koleka”, jo atij të luftës së Vlorës. Pra, vërsulet ndaj universiteteve, u tregon hanxharin, vetingun.
Kush është ky që u tregon vetingun këtyre? Ky është kreu i një organizate më korruptive, më kriminale në Europë, që është qeveria e tij. Keru i një organizatë që thotë se firmos fap, fap, fap e paf, paf, paf. Që firmos qindra milionë dollarë, në një kohë kur entet e specializuara të shtetit i thonë se nuk mund të firmosen, se janë në kundërshtim flagrant me ligjin. Por ligji i xhepit prevalon mbi çdo ligj.
Ka fytyrë të kërkojë veting të pedagogëve ky që mashtron, thotë se parkun rreth shtëpie, 5 mijë metra katrore, e kam blerë me 2 dollarë. A u kujtohet ju pse e kanë akuzuar Adriatik Llallën? Sepse ka bërë rivlerësimin e pasurisë në përputhje me ligjin. Kurse ky e ka në dokumenta, u ble 2 dollarë. Dhe ky është parku? Ta dinë shqiptarët, në zonë të ndaluar, të mbrojtur. Ky që u kërkon vetingun dhe ua përmend vetingun si hanxhar pedagogëve,” tha kryedemokrati para Grupit Parlamentar duke shtuar se i takon atij fillimisht ta sqaroj pronën e tij aktuale:
“Ky ka një saraj, 57 metra të gjata themelet dhe ja kush flet për pastërti figure Njëherë zonja thotë se u bënë me paratë e Kurbanit, ky del e thotë se u bënë me paratë e emigracionit. Por një faturë nuk ka. Të dashur pedagogë, demokratë, socialist, çfarëdo që të jeni kërkojani një faturë për paratë e emigracionit me të cilat ndërtoi vilën. Nuk ka asnjë faturë. Ta trgojë një faturë të vetme se ka deklarata ku thotë se ka gjithësej 3800 dojçmarka dhe 400 mijë lekë, ndërkohë që sarajet ishin ngritur komplet.”
Kryeministri kërcënon pedagogët, kërcënon me mbyllje universitetet e Vlorës, Gjirokastrës, të Korçës nëse hyjnë në grevë, ka dërguar hordhitë tatimore për të bërë presione nga më të paligjshmet, dhe kulmon shprehet Berisha duke cituar Edi Ramën kur thotë se do marr studentë nga jashtë dhe shqiptarët nuk do i lejoj sepse i urren.
“Nuk ka situatë më të vështirë sesa ajo e universiteteve tona. Ndaj dhe unë mendoj që ky po sulmon për të shkatëruar inteligjencën shqiptare, elitën. Ky do të krijojë elitën e patronazhistëve. Enver Hoxha, gjëja e parë që bëri, më të parën, ishte dekapitimi i elitës. Dhe ky kërkon që të largohen këta, të marin valixhen e të nisen secili se kudo që shkojnë marin një rrogë dhe një trajtim më të mirë se kaq.”
“Ky në menyrën më skandaloze deklaron se Italisë i mungojnë 40 mijë mjekë. Po mor zotëri se Italia ka 4 mjekë për 1 mijë banorë. Dhe Italia është vendi i dytë në botë me mjek për frymë popullate. Dhe do t’i shtojë, do t’i bëjë siç ka Gjermania, 5-6. Po sigurisht, sepse është faktuar se numri i mjekëve është përcaktues për sigurimin e shëndetit, për trajtimin e qytetarëve.
E kemi lënë një mjek me 600 banorë me prespektivën për të shkuar një mjek me 300 banorë. Këto 8 vite kemi zbritur një mjek me 1100 banorë. Kina ka 2 dy mjekë për 1000 banorë që ka 1 miliard e 300 milionë njerëz. Po e shkatëron sistemin e shëndetësisë përfundimisht ndaj dhe unë u bëj thirje bluzave të bardha. Kanë përgjegjësi për këtë situatë që po përjetohet. Po e shohin sistemin të shkatërohet para syve të tyre. Duhet të ngrihen fuqishëm,” tha Sali Berisha duke rikujtuar se në vitet e pandemisë Shqipëria arriti në 4 vendet me vdekshmërinë më të lartë në botë.
“Sepse kemi sistemin shëndetësor më të shpartalluar. E gjithë vdekshmëria u diktua nga njerëz injorantë, hajdutë si ai dhe ministrja e tij, të cilët lanë mjekët pa mbrojtje, pa maska, uniforma. Të cilët krijuan bomba biologjike me qëndrimet e tyre duke përzjerë urgjencat, duke mos marrë masa me shkollat dhe e shndëruar epideminë në më vedkjeprursen në 4 vendet në botë.
Tani është koha që mjekët dhe infermierët, sanitarët dhe të gjithë, të mobilizohen. Pse ata duhet të marrin 50-60% më pak se në Kosovë? A është kjo gjendje e Shqipërisë. Kjo nuk është kurrë gjendja e Shqipërisë, por miliona e miliona disbursohen përditë te kompania e tyre, te kompania e djegësave, kompania e
djegsave është absolutisht kompani e ministrave, e Edi Ramës. Zoto e Gugalja janë thjesht administratorët e kompanisë së qeveritarëve, prandaj nuk arrestohen ata. Ata jo vetëm nuk arrestohen, por ka ndërhyrje të fuqishme. Edhe ata po përdorin teknikën Bllako, ose më hiq akuzën, ose do të flas. Se ata kanë zbatua gjithë porositë, kanë qenë përdoruesit e parave të tyre. Del paradoksi se si po I marin paratë ata se po jepen paratë për njerëzit në kërkim. Po ndodh procesi njëlloj me Bllakon. Ata kërcënojnë se: boll i kryem ne rolet, paratë janë tuajat,” tha Berisha ndëtsa shton Kryeministrin Rama që thotë se nuk ka para shton:
“Nuk ke para për rrogat e zjarrfikësve sepse vjedh me dhjetëra milionë me kompaninë tënde. Sepse kontrakton 6 milionë satelitët, se nuk mund të shohësh katet nga toka. Se blen instalacionin e drurit, nuk e bën askush në botë. Nuk kam lexuar ndonjëherë që të blejë një sulltan, një perandor, një diktator 4 milionë euro një gjë për syrin e tij dhe xhepin e tij. Enver Hoxha ndërtoi vilën dhe nuk ka kushtuar kurrë më shumë se 3 milionë në atë kohë. Dhe ja ku është vila. Kurse ky blen instilacionin e drurit për t’u kënaqur në mëngjes kur hipën pashai në zyrë, për t’I hedhur një sy. Dhe pastaj pedagogëve vetting.
Ne duhet t’i dalim zot elitës së kombit. Duhet ta mbrojmë, ne jemi krenarë me ta. Ata kanë kontribute të jashtëzakonshme, janë personalitete që në kushte të vështira, janë përpjekur për të bërë maksimumin. Nuk mundet që me një rast të përlyejnë një botë akademike. Se është vetë i zhytur komplet. Ndaj dhe ne duhet të bëjmë gjithçka për të mbrojtur elitën kombëtare, e cila është në një sulm amoral të paimagjinueshëm,” tha Kryetari i Partisë Demokratike ndërsa sqaroi se cila do të jetë forma e mbështetjes së PD për pedagogët:
“Ajo është lëvizje sindikaliste dhe ne mbështesim çdo kauzë të drejtë. Po të ishte lëvizja jonë, themi krenarisht është kauza jonë sepse nuk kemi asnjë kompleks për të shpallur lëvizje për kauza të drejta. Por ajo është lëvizje e sindikatave. Ndaj u them socialistëve që ne mbështesim kauzën tuaj, se ajo është kauzë e drejtë. Dhe në mënyrë absolute, midis mbështetjes sonë dhe qëndrimeve të Edi Ramës ju jeni 100 herë më afër me këta që mbështetin një kauzë të drejtë se sa me atë që ju kërcënon dhe sillet ndaj jush me një urrejtje patologjike dhe më një diskonsideratë totale.
Por ne do ta mbështesim sepse për ne, universitetet janë një pasuri e paçmuar kombëtare. Nuk janë pasuri e Edi Ramës, nuk janë sarajet e Surrelit. Është një investim kolosal që kanë bërë shqiptarët për universitetet.
Nesër në parlament, kryeaxhenda duhet të jetë mbrojtja e elitës universitare dhe denoncimi i këtij agresioni, këtij sulmi të shplarë ndaj tyre, përpjekjet për t’i përçarë, nuk mund të imagjinoni ju çfarë ndërhyrjesh terrori ushtrohet për t’i përçarë. Çfarë kërcënime ju bëhet me mbyllje univeristetesh sikur i ka private të vetat,” tha Kryetari i Partisë Demokratike, Sali Berisha, dhe duke paralajmëruar takimin e sotëm me kryetarët e degëve të Partisë Demokratike të Tiranës me të cilët do diskutohet për primaret dhe protestën, përfundoi:
“Duke u shprehur solidaritetin, ne e mbështesim grevën e tyre të përgjithshme nesër. Sikur zotërnj deputetë, ne kemi agjendën tonë të protestave, po e përgatisim. Sindikatat kanë të vetën, ne jemi parti politike dhe ne do mbushim rrugët dhe sheshet se nuk ecet në këtë mënyrë kur shohim që interest e qytetarëve shkelmohen çdo ditë, shqiptarët përzihen nga vendi i tyre, ligji nuk ekziston. Ne do të jemi në ballë dhe në krye të protestave popullore në mbrojtje të interesave të qytetarëve.”
