Mbetje mortore në veri të Mitrovicës, IML i tërheq për ekzaminim

Komisioni Qeveritar për Persona të Zhdukur ka bërë të ditur se kanë hasur në mbetje mortore, në varrezat në veri të Mitrovicës.

“Qytetarët kanë hasur në eshtra (mbetje mortore), në veriun e Kosovës (Mitrovicë). Pas njoftimit nga Policia e Kosoves, ekipi mjekoligjor i IML-së ka tërhequr mbetjet mortore (eshtrat) për ekzaminimet e mëtejme mjekoligjore,” bënë ditur Komisioni Qeveritar për Persona të Zhdukur përmes një njoftimi në rrjetin social Facebook.

Komisioni zotohet se do të njoftohet opinioni publik nëse mbetjet mortore mund t’i përkasin dikujt nga personat e zhdukur nga lufta e fundit në Kosovë.