Mbeturina të sistemit të vjetër, Rama: Jeni në garë kush është kukulla e kush pengu!

Kryeministri Edi Rama nuk e ndërroi as qimen dhe vesin në komunikim me rivalin politik! Përgjigje nuk dha në akuzat që ngriti kryetari i PD, Lulzim Basha, që ka krizë energjetikë iu referua tregjeve ndërkombëtare që iu referua liderëve të shteteve anëtare pjesëmarrëse në Samitin BE-Ballkani Perëndimor por jo se për çfarë çmimi ishte fjala dhe cila ishte mirëqenia në këto shtete.

Kryeministri Rama nuk tha se pse “vëllai” i tij Aleksandar Vuçiç nuk do ta rris çmimin e energjisë për familjet në Serbi dhe pse edhe pas rritjes së çmimit të gazit në këtë vend ku kalon gazjsellësi rus, ai është sërish më lirë se në shtetin që ai drejton, por Vuçiç është i shqetësuar.

E në mungesë të argumentit, ai doli në terrenin e zhvillime në opozitë duke e quajtur garë se kush është kukulla e kush pengu!

“Të përsërisësh të njëjtën gjë e të presësh rezultat tjetër, është tipari karakteristik i mendjelehtësisë. Keni 8 vite që përsërisni të njëjtën gje, e merrni të njëjtin rezultat e do e merrni prap duke përsëritur të njëjtën gjë. Nuk ju shpëton transferimi i përgjegjësisë përmes fantazive për masakrat elektorale. Aty ju kam gjetur aty do ju nëse vijoni të përsërisni të njëjtën gjë duke i marrë shqiptarët për budallenj. Kjo është zgjedhja juaj. Aq më pak kur jeni në një garë kush është kukulla, kush është pengu dhe kush shpif e shan më shumë për të treguar që s’është as kukull dhe as peng.

Faktet janë fakte ju mund t’i thoni shqiptarëve çfarë të doni, por urtësia dhe mençuria e një populli ka një barometër ditën e gjykimit dhe u bënë 5 ditë gjykimi rresht ku populli ju thotë hej, këta s’janë më të mirët, por ju ta harroni me këto mend që keni,” tha Edi Rama duke harruar se ky popull i urtë dhe i mençur i ka pa dhe zhvillimet në Samit dhe e kuptojnë se kujt i dedikohej kriza energjetike.

“Në samit kryefjalë kishin çfarë mund të bëjmë së bashku për të përballuar furtunën e krizës energjitike. Ju të dy palët i thoni shqiptarëve ‘Shqipëria s’ka lidhje me tregun ndërkombëtar, ka ujë. Po thatësirë ka Shqipëria? Fatura e energjisë dhe të gjitha faturat në sistemin që kemi zgjedhur dhe të gjitha faturat që kemi zgjedhur, kemi vendosur që të kalojmë nga ekonomia komuniste e centralizuar në lirinë e tregut kapitalist. Rritja e çmimit në bursë, energji, naftë, miell nuk pyet as se Spanja ka më shumë as se Shqipëria ka më pak,” tha Kryeministri Rama ju duke thënë se cilat ishin rrogat në këto vende që flasin për çmimet ndërkombëtare në Samitin e BE-së por duke ofenduar:

“Ju partia e qendrës së djathtë, e liberalizimit të tregut, po mos ju njohësh mendon se jeni mbeturina të partisë së Punës. Konceptet tuaja janë mbeturina të sistemit të vjetër. Tani më thoni me gjithë taksën e karbonit brenda, a është nafta sot më lirë se ditën kur ju latë qeverinë? Në 2013, diezeli 182 lekë benzina 186 lekë, merrni tabelën. Sa e blenin shqiptarët kur ju ishit në qeveri, diezelin.”

Kryeministri Edi Rama replikoi me Kryetarin e PD-së Lulzim Basha për çështjen e çmimit të energjisë, kërkoi që t’i referohen shifrave, tha se karburanti ishte më lirë se sa në vitin 2013 por nuk tha se pse nuk është më lirë se në Holandë, me kryeministrin e të cilit dje në samit bënte filma:

“Një marrëveshje, kur flasim. A ka mundësi ta bëjmë këtë marrëveshje që kur flasim dëgjohet, na pëlqen nuk na pëlqen. Unë po ju them shifra, tabelat janë atje. Unë po ju them sa lekë nxirrte nga xhepi një drejtues automjeti në Shqipëri që qeverisnit ju për të blerë naftën, diesel dhe benzinën dhe sa nxjerr sot. Sot diesel është 177, dje ishte 182. Patjetër që brenda çmimit të diesel dhe benzinës që dje ishte 186 sot është 179 është brenda dhe detyrimi për të gjithë ata që djegin diesel e benzinë t’ia kthejnë shoqërisë me taksën e karbonit. Kjo nuk ka lidhje me çmimin e bukës. Furrat e bukës, qysh se kemi ardhur ne, energjinë e marrin me çmim preferencial. Rritja e çmimit të bukës lidhje me konjukturën ndërkombëtare me bursën.

Ekonominë e lirë të tregut e kemi zgjedhur të jetojmë në një vend të hapur. Të përfitojmë nga të gjitha të mirat dhe të marrim dhe goditjen që sjell të qenit vend i hapur. Se mbase të kishim qenë vend i mbyllur, as virusi nuk do hynte.”

Dhe, Kryeministri zbuloi rrotën edhe me energjetikën:

“Sa për krizën energjetike, e para është që ne nuk kemi sot një kapacitet të atillë prodhues që të sigurojmë sovranitetin e plotë dhe për këtë po punojmë. Kur ka shumë shi ne jo vetëm që nuk arrijmë dot të mbledhim rezerva, por siç bënit ju në të shkuarën dhe për fat të keq duhet ta bëjmë ne se nuk bëtë asgjë, jemi të detyruar që kur bien reshje përtej normës, të hapim portat dhe t’i hedhim në fushat e prodhimit ato të ardhura që duhet t’i rentabilizonim e t’i kishim për ditë të vështira. Kemi dy parqe në kantier me energji diellore,” tha Rama, një gjë të cilën që të gjithë shqiptarët e dinë dhe u hodh tek e ardhmja:

“Jemi në diskutime jo vetëm për Skavicën, por dhe atë të Vlorës për ta kthyer në port të hyrjes së gazit të lëngshëm nga SHBA-të. Të gjitha këto do të bëjnë atë që kemi thënë që brenda kësaj dekade do jemi eksportues neto të energjisë dhe atëherë nuk do jemi të varur lartë e poshtë.

Zgjedhja ime është të respektoj inteligjencën e këtij popullit, zgjedhja juaj të talleni. Zgjedhja ime ta respektoj deri në fund, kjo është situata, kjo është përballja. Siç nuk e kemi lënë vetëm as për tërmetin, as për pandeminë, as tani. Kështu mos thoni që doli gogoli se do iu vijë keq.

Aleanca për tërmetin, për përmbytjet, për krizën energjetike nuk ju bën alternativë se do ju kishte bërë se do ishit një zgjedhje e mundshme. Shqiptarët nuk janë budallenj.”

Në fund, ndonëse sektori energjetik është turpi i kësaj qeverie ai vazhdoi të mburret dhe të akuzoj:

“Vetëm për energjinë ju duhet të bëni moratorium heshtje për një gjeneratë. Për vota mbyllnit sytë dhe gjysma vidhnin gjysmën tjetër. E keni lënë gropën më të madhe në historinë e planetit në sektorin e energjisë. E si u bëka një kapërcim epokal, duke ju pasur dhe ju në kurriz. E mbushët miletin me llafe, të fusin në burg po s’paguan. Asnjë njeri nuk është futur në burg se nuk kanë paguar energjinë. Vjedhja të fut në burg, se është mall.

Jam shumë dakord që të ardhurat janë ende të ulëta në raport me sfidat. Jam dakord që të ardhurat gjetkë janë më të lartë, por sa paguajnë ata andej. Sa taksa paguajnë, sa sigurime paguajnë, sa nga ajo që ata marrin i kthehet përsëri shoqërisë. Pikërisht për të mos rënduar në këtë fazë njerëzit, jemi i vetmi vend në rajon, në Europë po e po me biznesin e vogël me taksën zero. Ma gjeni kush e ka taksën zero! Me TVSH-në zero deri në 100 milionë xhiro. Natyrisht të gjitha këto janë para që ne i kemi hequr nga mundësia për t’i pasur në arkën e shtetit. Me këto histori me subvencionime, me uljen e TVSH-së çfarë do të thotë, që dikush duhet t’i paguajë ato. Hajdutët, koncesionet vlejnë për veshët e atyre që dëgjojnë pa mendje, por ata nuk janë shumicë. Shumica dëgjon me mendjen e vet. Nuk dëgjon atë që tha pengu apo pengmarrësi,” tha Edi Rama duke harruar shqiptarët dhe familjet atyre, për atë 30 % për të cilin Banka Botërore tha se do të jetojnë në varfëri deri në vitin 2023.