Mbi 2 milionë të huaj në Zvicër, 6 për qind nga Kosova

Nga janari deri në qershor të vitit 2018,në Zvicër kanë emigruar  64.473 të huaj  ose 1 për qind më shumë se në të njëjtën periudhë të vitit të kaluar, shkruan albinfo.ch.

Në të njëjtën kohë kanë ikur nga Zvicra 37.278 njerëz.

Kështu emigracioni vazhdon të bjerë me 2.6 për qind. Në gjysmën e parë të vitit 2017, migrimi u zvogëlua 12 për qind, thekson Sekretariati Shtetëror për Migrim, SEM.

Që nga fillimi i vitit 2018 janë gjithsej 69.499 shtetas nga vendet e BE/EFTA që i janë bashkuar popullsisë rezidente të përhershme për të filluar një punë në vendin helvetik. Kjo paraqet një rritje të lehtë prej 340 personave krahasuar me vitin paraprak, vetëm +0.5 për qind.

Në të njëjtën periudhë, 19.357 persona emigruan në Zvicër si pjesë e bashkimit familjar, -0,7 për qind.

Një e pesta e tyre, 20.9 për qind, erdhën në kuadër të bashkimit familjar te një zvicerane ose një zviceran në vend.

Dy të tretat e të huajve, nga BE

Në fund të qershorit 2018, sipas të dhënave SEM, 2.068.455 të huaj jetonin në Zvicër, 1.3 për qind më shumë se një vit më parë. Prej tyre, më shumë se dy të tretat erdhën nga vendet e BE / EFTA dhe 650 mijë nga vendet e treta.

Italia dhe Gjermania mbeten vendet më të rëndësishme të origjinës me rreth 15 për qind. Kjo pasohet nga Portugalia me 13 për qind dhe Franca dhe Kosova me rreth 6 për qind.