Mbjellja e Cannabis Sativa në Krujë vazhdon, arrestohen tre persona. Emrat…

Pas një hetimi disa mujor, në vijim të operacionit “Krasta 2”, policia e Krujës ka asgjësuar 2.080 rrënjë bimësh Cannabis Sativa si dhe ka arrestuar kultivuesit e bimëve narkotike.

Policia bënë të ditur se në operacioni e përbashkët të Komisariatit të policisë Krujë, Prokurorisë së Rrethot Gjyqësor krujë, Forcave Operacionale dhe FLO të Drejtorisë së Përgjithshme të Policisë së Shtetit, u bë e mundur arrestimi i tre personave dhe një tjetër është proceduar në gjendje të lirë.

Janë arrestuar:

Ferdjan Zalla 33 vjeç, banues në Krujë;

Mondi Zalla 42 vjeç, banues në Fushë – Krujë;

Arben Babasi 42 vjeç, banues në Fushë – Krujë.

Ndërkohë procedimi penal në gjendje të lirë u bë për shtetasin G.Sh. 42 vjeç, banues në Krujë, për veprën penale “Moskallëzim i krimit”.

Të arretsuarit dyshohet se në bashkëpunim me njëri- tjetrin dhe me persona të tjerë,  për të cilët vazhdon hetimi, në vendin e quajtur Krastë kanë kultivuar në disa ambiente të hapura në brendësi të pyllit 2.080 bimë narkotike Cannabis Sativa, të cilat u asgjesuan me anë të djegies.

Ndërkohë, në fshatin Nikël, në ambient të pyllëzuar u gjetën dhe asgjësuan 675 bimë Cannabis Sativa. Policia po punon për identifikimin dhe kapjen e autorëve.

Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale “Kultivimi i bimëve narkotike” në bashkëpunim.