Mbledhja e dy qeverive Shqipëri-Kosovë, Edi Rama vazhdon shown me Kryeministrin e Hashim Thaçit

Qeveria e Kosovës dhe ajo e Shqipërisë do të mbajnë mbledhjen e përbashkët të premten më 25 Shtator në Shkodër duke vazhduar kështu shown e Edi Ramës me mbledhjen e dy qeverive edhe kur ajo kosovare kryesohet nga Kryeminstri i Hashim Thaçit, Avdullah Hoti. Lajmi u bë i ditur sot në mbledhjen e qeverisë së Kosovës, ku Zv/Kryeministrja Albulena Balaj Halimaj, e cila është edhe koordinatore për këtë takim, tha se shumica e draft-marrëveshjeve ndërmjet dy vendeve kanë përfunduar.

“I kërkoj mirëkuptim ministrave tonë nëse ndonjë draft-marrëveshje nuk do të kalojë për marrëveshje atje. Për shkak të procedurave ligjore që i kanë pala shqiptare. Por besoj që deri më tash shumica e tyre kanë përfunduar, por një finalizim do të bëhet nesër,” Zv/Kryeministrja e Kosovës.

Krahas këtyre qeveria në mbledhjen e sotme miratoi edhe disa projekt-rregullore, në mesin e të cilave edhe ajo për riintegrimin e personave të riatdhesuar.

Ndryshe, ky është show i radhës i Kryeministrit Edi Rama me mbledhje të qeverive të përbashkëta ndonëse lëvizja më problematike e njerëzve dhe mallërave nga Kosova nëpër shtetet fqinje vazhdon të jetë Shqipëria. Nëse kësaj i shtojmë dhe taksën në Rrugën e Kombit, edhe më e kushtueshmja!