Mbledhja e Qeverisë, Edi Rama: Të gjitha ndihmat në një adresë unike. Në fokus kontributi financiar

Në mbledhjen e sotme të qeverisë, Kryeministri Edi Rama tha se ka 1 plus 7 prioritete, kryeprioriteti është domosdoshmëria për të dhënë përgjigje adekuate për këtë situatë dhe për tejkalimin e situatës së rëndë.

Ndërkohë që janë hapur shumë konto nëpër bashki, Edi Rama tha ato duhet të mbyllen të gjitha dhe të adresohen te adresa unike në mënyrë që të jetë e integruar gjithçka:

“Nuk ka pse kemi konto në bashki që janë jashtë tërmetit dhe nga dëshira e mirë kanë hapur konto, dhe kanë sjellë ndihma aq shumë sa duhet të frenojmë pak dhe të fokusohemi te kontributi financiar direkt.”

Edhe pse situata vijon të jetë e rëndë, Kryeministri Edi Rama tha se ekipet duhet të punojnë për inventarizimin e familjeve që strehohen në hotele, por dhe verifikimet në terren në banesat apo shtëpitë e shkatërruara ndërsa bëri thirrje për qetësi në tejkalimin e kësaj  situate të rëndë

“Ndërkohë që bilanci i të vdekurve është rritur, kërkimet pa pushim të trupave heroike të shpëtimit nuk kanë arritur të nxjerrin më jetë nga gërmadhat, ata të cilët kanë vijuar dhe vijojnë të punojnë në kushtet e rrezikshmëria tanimë shukmë të lartë, qofshin përfaqësuese të trupave tona dhe jo vetëm. Është momenti për të ndihmuar psikologjikisht një popull të traumtizuar dhe nuk është momenti për audiencë, like dhe komente. Të gjithë të kontribuojnë sa të munden për të qetësuar shpirtrat e  stërtrazuar të njerëzve dhe për të përçuar informacion real.”  

Ndonëse kishte në mëngjes disa banorë nga Thumana që u ankuan se nuk janë ndihmuar nga shteti sepse nuk janë larguar nga oborret e tyre për shkak të bagëtive edhe pse kanë ngelur pa kulm mbi kokë, Edi Rama duke konstatuar se nga mbrëmë nuk ka asnjë familje që nuk ka një strehë, që nuk është e mbrojtur nga shiu dhe e garantuar me ushqime, pas shumë kaosit të komenteve në rrjetet sociale, i indinjuar tha se është koha e psikologëve dhe jo astrologëve:

“Kjo është koha e Psikologëve dhe jo e astrologëve. Nga mbrëmë nuk ka asnjë familje që nuk ka një strehë, që nuk është e mbrojtur nga shiu dhe e garantuar me ushqime. Duhet të punohet me shumë këmbëngulje. Do të na duhet shumë vëmendje ndaj këtyre njerëzve, shumë dinjitet në shërbimin ndaj tyre dhe do të na duhet një durim i hekurt, të cilin ne duhet ta kemi. Ne duhet të garantojmë kushtet optimale për në këto kushte, kur kanë humbur pasurinë e tyre.”

Tani është momenti për të inventarizuar të gjithë kuadrin e situatës së familjes duke bërë verifikim strikte të familjeve që strehohen në hotele, tha Kryeministri Edi Rama duke shtuar se historia ka mësuar se botën ku jetojmë se këto janë situata se abuzimet shoqërojnë këtë situatë, duhen të shmangen maksimalisht.

“Duhet intensifikuar puna për banesat fizike dhe të inventarizohet. Komiteti Kombëtar i Rindërtimit është krijuar që dje, është në fazën fillestare të punë dhe unë do të doja që të theksoja që ministria e Infrastrukturës, e cila meriton mirënjohje për gjithë sakrificën  së bashku me kolegët e tjerë, që ju ka rënë detyra të përballojnë në vijën e frontit, duhet të garantojmë përfshirjen e të gjithë inxhinierëve nga të gjithë rrugët e jetës nga sektori publik.”