Mbledhjet e përbashkëta Shqipëri-Kosovë, spektakle/ U braktis mbledhja e…

Kryetari i Odës Ekonomike të Kosovës (OEK), Safet Gërxhaliu, mbledhjet mes Qeverisë së Kosovës dhe asaj të Shqipërisë i ka quajtur “spektakle mediatike”.

Gërxhaliu duke folur për bashkëpunimin ekonomik mes Kosovës dhe Shqipërisë është ndalur me theks të veçantë të mbledhja e fundit e dy qeverive e mbajtur vitin e kaluar, shkruan rtv21.tv.

Safet Gërxhaliu në “Click” tha se ka informacione se në mbledhjen e fundit të qeverive ka pasur acarim të raporteve të delegacioneve të Kosovës në Shqipëri siç ka thënë ai për hir të një arrogance dhe nënçmimi jozyrtar saqë disa edhe e kanë braktisur mbledhjen.

“Në këtë formë nuk avancohet bashkëpunimi ekonomik. Dhe kur dy luftojnë i treti fiton, fiton Greqia, Serbia, Italia, Maqedonia dhe në mbesim ata që do të eksportojmë edhe më tutje para të gatshme” ka thënë Gërxhaliu.