Mbrëmja e së shtunës në rrugën Tiranë-Durrës, shpejtësia që vret…

Përkundër kontrolleve të pandërprera të Policisë Rrugore të Tiranës, edhe në mbrëmjen e së shtunës, në rrugën Tiranë-Durrës janë shënuar shkelje të rënda në drejtimin e automjetit. Sërish është shpejtësia, një shqetësim i madh për këtë aks rrugor.

“Në zbatim të  Planit të Masave për rritjen e parametrave të sigurisë gjatë fundjavës, Policia Rrugore e Tiranës po vijon kontrollet me Radar. 10 leje drejtimi të pezulluara, për shpejtësi që variojnë nga 140 kilometra deri  në 179 km/orë” bënë të ditur Policia Rrugore.

Megjithëse kontrollet janë të pandërprera çdo ditë, policia thekson se përsëri ka drejtues mjetesh që qarkullojnë me shpejtësi mbi limitn e lejuar, dhe pa pasur asnjë arsye për të qarkulluar me këto limite shpejtësie.

“Qarkulloni duke zbatuar rregullat e qarkullimit që destinacioni i juaj të jetë i sigurt. Policia Rrugore e Tiranës në shërbim të sigurisë së jetës në rrugë,” është apeli i policisë e cila thekson se është e angazhuar për të evidentuar dhe ndëshkuar çdo shkelës të kodit rrugor, me qellim të parandalimit të aksidenteve rrugore