Mbretëria e Bashkuar në rrezik nga recesioni

Disa ekspertë të ekonomisë kanë paralajmëruar se Britania e Madhe mund të përfundoj në recesion teknik nga fundi i vitit, ndonëse ekonomia në muajin nëntor shënoi rritje me 0.3 për qind, ndërsa rreziku vazhdon të ekziston, shkruan e përditshmja britanike Guardian.

Britania do të ishte në recesion nëse rritja do të ulej në muajin tetor dhe dhjetor për tremujorin e dytë me rradhë.

Recesioni teknik do të ishte një goditje për qeverinë para zgjedhjeve, edhe pse zyra kombëtare për statistikë thekson se dy rëniet e vogëla të tremujorit të PBB nuk është rënie e plotë, ashtu siç është theksuar edhe më parë.

Ekonomistja kryesore e kompanisë KPMG, Yael Selfin, thotë se perspektivat ekonomike aktualisht janë të zymta, me recesion teknik potencial në gjysmën e dytë të vitit 2024, veçanërisht duke pasur parasysh efektin e pritur të parandalimit të rënies së industrisë në muajin dhjetor.

Megjithatë, sikur edhe ekonomia të arrijë ta shmang recesionin, pritet që do të ngelet në stanjacion.

Nuk ka rritje më të madhe edhe në 2024

Drejtuesi i kompanisë Quilter Cheviot, Richard Carter, thotë se Britania e Madhe vazhdon të jetë buzë recesionit, sepse normat e mëdha të interesit po godasin rritjen:

“Ekonomia e Mbretërisë së Bashkuar ka shënuar rritje modeste 0.3 për qind në nivel mujor në muajin nëntor, krahasuar me uljen e paparashikuar prej 0.3 për qind që është shënuar në muajin tetor. Kjo rritje në muajin nëntor është e mjaftueshme për ekonominë e Mbretërisë së Bashkuar që të kthehet në rritje të barazvlefshme gjatë këtyre dy muajve, por lë presion jashtëzakonisht të madh për shifra në muajin dhjetor.” Ai vlerëson se edhe një rënie e vogël do të rezultoj me hyrjen e Mbretërisë së Bashkuar në recesionin teknik për shkak të rënies së PBB-së në tremujorin e tretë 2023.

“Shifrat tregojnë se sa e pasigurt është situata për ekonominë britanike dhe po krijohet një presion edhe më i madh për bankën qendrore që të ul normat e interesit.”

Drejtori ekonomik i ICAEW, Suren Thiru, thotë se gjithnjë e më shumë po rritet argumenti për ulje të sërishme të normave britanike të interesit, derisa ekonomiai po bënë përpjekje ta marrë veten.

“Rikuperimi në muajin nëntor ndoshta nuk ishte i mjaftueshëm që të parandaloj recesionin e vogël teknik në fund të vitit 2023, me ç’rast rënia e shpenzimeve të jetesës dhe shpenzimet e larta të borxhit e kanë kufizuar prodhimin në muajin dhjetor.

Mbretëria e Bashkuar po përballet me vitin jashtëzakonisht të vështirë 2024, me efektin e shtyrë të rritjeve të kaluara të normave të interesit, kërkesën më të dobët të konsumatorëve dhe papunësinë më të lartë e cila sipas të gjitha gjasave do ta asfiksoj aktivitetin ekonomik, përkundër nxitjes së inflacionit më të ulët.”

Ēshtë e vështirë të parashikohet nëse ekonomia britanike do të futet në recesion, por është e qartë se nuk ka shumë tregues pozitiv për vitin që kemi para.