Mbreti i Qoftexhiut, Monarku i Jean Bodin!
nga Agim Popoci
Mbi 800 mijë shqiptarë e votuan ose jo më 11 Maj për Kryeministër, vazhdojnë të heshtin pse vota e tyre u shpërdorua, por, u bezdisën paksa kur Qoftexhiu i Tigrit, Maznikut dhe gjithë llumit komunistë rilindas, Nysreti, e cilësoi Edi Ramën, “më shumë se mbret”!
E natyrshme do të ishte sikur shqiptarët që e votuan ose jo për Kryeministër dhe heshtin, të bezdisen për çmimin e kabinës në Allianz Arena në Munich që Edi Rama ka paguar dhe ishte futur të ndjek finalen e Champions League, ndërsa për cilësimin e qoftexhiut të Arben Ahmetajt e Arbjan Maznikut, nuk ka vend për bezdi sepse është vetë Kryeministri Rama që ka punuar shumë!
Kujdes, jo Mbret siç po e relativizojnë ca idiotë gjithë pushtetin që ka sot Kryeministri i Pekishtit, Vorës dhe gjithë Shqipërisë, Edi Rama, por Monark Absolut, ashtu siç e mendonte filozofi i njohur francez Jean Biden ndonëse pushteti i vetëm i trashëguar i Ramës është Sigurimi i Shtetit!
Pra, nuk ka vend për bezdi sepse Edi Rama e paralajmëroi pushtetin absolut me aplikimin e teorisë së mendimtarit politik dhe filozofit francez, Jean Biden, sapo u ul në fron, duke filluar me Rilindjen!
Askush nuk mund të pretendoj sot që lidershipi demokrat që në masën më të madhe është frankofon duhet të jetë dhe njohës i gjashtë vëllimeve të veprës së Jean Biden, “Les Six livres de la République”, por të paktën si politikanë karriere që janë duhet ta dinë përmbajtjen e mendimit juridik dhe politik të Francës së Rilindjes, ku mendimtari realist Bodin, mbeti i njohur si një nga themeluesit e parë të teorisë së sovranitetit.
Kaq mjafton, dhe kur të del para syve Edi Rama si kryebashkiak me sëpatë që nuk do t’ia di për ligjin, rizgjedhet kryebashkiak duke vjedhur vota, me policë bashkiak mbron hotelet e shokëve pa leje, organizon kuç e maç për ta mbrojtur piramidën e diktatorit Enver Hoxha, shpik Mjaftin dhe Lali Erin për të kap majat e pushtetit partiak, i fut flakën Tiranës për ta shkëputur Ilir Metën nga Sali Berisha, mbledhë gjithë qelbësirat shqiptare së bashku me Liken për ti marrë pushtetin Saliut, dhe, e fillon pushtetin me Rilindje, nuk ke pse lexon Metodat e Bodin për të kuptuar historinë, “Methodus ad facilem historiarum cognitionem”, sepse alarmi ishte i qartë, po vjen një bishë që po jetëson idenë e Jean Bodin për pushtet absolut, pra, pushtet që nuk mund t’i përkasë monarkut, aristokracisë dhe popullit në të njëjtën kohë, pushtet që nuk mund të ndahet në tre pjesë!
Ndoshta lidershipi opozitar nuk arsye të dijë se çfarë mendon Bodin për “Ius maiestatis” /Lexo shqip: Madhëria ka të drejtë/, por kur sheh rrugëtimin e Edi Ramës si frankofon i thekur, detyrimisht të bie ndërmend një mendimtar francez dhe është vetëm njëri si Bodin që ka vlerësimin negativ unik për demokracinë ndërsa dallon tre forma të shtetit, në varësi të zotërimit të pushtetit nga një ose një tjetër sovran: demokracinë, aristokracinë dhe monarkinë!
“Populli është një bishë me shumë koka dhe pa arsye, nuk bën asgjë të mirë. T’i besosh për të vendosur për çështjet politike është si të kërkosh këshilla nga të çmendurit,” thotë Bodin kur flet për demokracinë, ndërsa shqiptarët e kanë parë Edi Ramën që nga dita e parë kur shkeli në Ministrinë e Kulturës, me shumë më pak besim te populli kur u ul në krye të Bashkisë Tiranë, dhe plotësisht pa e këshilluar popullin kur u ul në fronin e Kryeministrit ndërsa arrestoi dy kokat tjera të politikës, Saliun dhe Liken!
Pse e shpiku në ligjërimin politik “oligarkinë” kur erdhi në pushtet, pse e përdhunoi si të parët e tij në vitin ’45 dhe pse i urren Edi Rama kaq shumë të pasurit, përgjigjen nuk duhet kërkuar tek thashethemet që i shpërndanë ai vetë ose me ndihmën e Sigurimit të Shtetit për ti përçarë si biznese, sepse shumë shekuj më parë e ka thënë Bodin!
“Disavantazhi i aristokracisë është paqëndrueshmëria, e cila lind për shkak të metodës kolegjiale të vendimmarrjes. Një disavantazh i përbashkët i demokracisë dhe aristokracisë është se në një shtet demokratik apo aristokratik votat numërohen, por nuk peshohen në peshoren e virtytit,” e thotë mendimtari francez Jean Bodin e të cilin mileti ashtu si dhe aristokratët në Shqipëri e kanë parë te Edi Rama deri në zgjedhjet e fundit në 11 Maj, ku ai lufton me çdo çmim numërimin e votës!
Dhe, forma më e mirë e qeverisjes për tejkalimin e krizave politike dhe fetare është monarkia, sepse ajo, sipas Bodin, korrespondon drejtpërdrejt me natyrën e pushtetit sovran, unitetin dhe pandashmërinë e tij.
Për këtë pushtet absolut, ai mendon se mjaftojnë tre kufizime: sovrani është i lidhur në veprimtaritë e tij nga ligjet e Zotit, ligjet e natyrës dhe ligjet e njeriut, të përbashkëta për të gjithë popujt.
Qershia mbi tortë e këtij pushteti absolut të Edi Ramës mbi pronën, partitë, besimin fetar dhe lumturinë e njerëzve, që për fatin e keq të shqiptarëve nuk u parandalua, Kryeministri i Pekishtit, Vorës dhe gjithë Shqipërisë, kishte se ku ta lexonte, dhe e zbatoi me shumë përkushtim!
Jean Bodin e kundërshtoi idenë e pranuar përgjithësisht të Aristotelit se qëllimi i shtetit është të arrijë lumturinë e njerëzve, dhe duke ndjekur Makiavelin, shkakun e konflikteve sociale e pa në shpërndarjen e pabarabartë të pasurisë, në luftën e partive dhe në mungesën e tolerancës fetare.
Sot, si e shpërndau pasurinë, si i luftoi partitë, si u bë shefi i të gjitha komuniteteve fetare, dhe pse nuk ka më qytetarë të lumtur edhe kur i fiton zgjedhjet ai që e kanë votuar, shqiptarët nuk kanë nevojë as të lexojnë Bodinin as të bezdisen nga qoftexhiu i Tigrit, sepse vetë janë fajtorë që nuk e parandaluan dhe tashmë Edi Rama me pushtet absolut është realitet!
Në fund, shqiptarëve u ka mbetur të parandalojnë vetëm aktin e fundit, ashtu siç e ka parashikuar mendimtari politik dhe filozofi francez, Jean Biden, dhe e ka pa paralajmëruar Edi Rama: Caktimin e trashëgimtarit nga monarku absolut!
