Mbrojnë përdhunuesit/ Reagimi, Paloka: Drejtësi do të bëhet një ditë, jo vetëm për padronët, por dhe për shërbëtorët!

“O shërbëtorë të mjerë! Mos mbroni vrasësit e përdhunuesit dhe denigroni viktimat vetëm sepse kështu ju urdhëron padroni juaj në krye të qeverisë!” Ky është apeli i Nënkryetarit të Partisë Demokratike, Edi Paloka drejtuar të gjithë pjesëmarrësve të fushatës së promovimit dhe  senzilbilizimit të dhunës dhe përdhunimit të partisë në pushtet ndërsa përgënjeshtrojnë me aq zell Nënkomisarin Emiljano Nuhu, i cili dëshmoi mbi veprimet e djalit të deputetit socialist, Rrahman Raja dhe nuk është asgjë më shumë vetëm se një oficer i policisë gjyqësore që dëshmon mbi bëmat kriminale të qeverisë Rama. Dhe jo vetë kaq!

Paratë me të cilat Edi Rama paguan këtë shërbim të mbrojtjes së vrasësve dhe përdhunuesve si dhe denigrimit të viktimave, Edi Paloka thekson përmes rrjetit social Facebook, se janë ato para që ju grabit pikërisht viktimave që ju denigroni për të mbrojtur vrasësit dhe përdhunuesit e tyre, ndërsa përfundon:

“Mosni, se Zoti ka për t’jua sjellë në shtëpitë dhe familjet tuaja!  Po nëse nuk i trembeni Zotit, dijeni dhe ju që drejtësi do të bëhet një ditë, jo vetëm për padronët, por dhe për shërbëtorët!”

Ja postimi i plotë:

O sherbetore te mjere !
Mos mbroni vrasesit e perdhunuesit dhe denigroni viktimat vetem sepse keshtu ju urdheron padroni juaj ne krye te qeverise!
Edhe parate me te cilat ju paguan jane nga ato qe ju grabit pikerisht viktimave qe ju denigroni per te mbrojtur vrasesit dhe perdhunuesit e tyre.
Mosni se Zoti ka per t’ju a sjelle ne shtepite dhe familjet tuaja!
Po ne se nuk i trembeni Zotit, dijeni dhe ju qe drejtesi do behet nje dite, jo vetem per padronet por dhe per sherbetoret.