Mbrojtës meskin i Bashës, PD Gjirokastër: Sokëllet me gjuhën e Taulant Ballës!

Pas angazhimit të sforcuar mediatik të deputetit në tentativë në Qarkun Gjirokastër, Roland Bejko, dhe gjithë vrerin e derdhur kundër atyre që nuk mendojnë si Kryetari i shkarkuar i Partisë Demokratike, Lulzim Basha, ka reaguar PD Dega Gjirokastër duke u distancuar plotësisht nga prononcimet e tij të papërgjegjshme dhe absurde.

Ndonëse ndiejnë keqardhje dhe u vjen turp që merren me Roland Bejkon, PD Dega Gjirokastër e pyet:

“Qëkur një demokrat i vërtetë flet e sokëllet me gjuhën e Taulant Ballës? Me çfarë autoriteti flet ti në emrin tonë? Sa delegatë të erdhën nga Qarku Gjirokastër në pseudo-kuvendin e 18dhjetorit? Sa autoritet ke? Kur do ngresh ndonjë shqetësim, apo problematikë tonën ne kohën tënde të shpërdoruar televizive për mbrojtjen e interesave meskine të Lulzim Bravës?” thekson PD Dega Gjirokastër duke i bërë të qartë Lulzim Bashës dhe mëkëmbësit të tij Roland Bejko se do i shërbejmë me devocion interesit publik dhe jo meskinitetit donkishotesk të individëve të caktuar ndërsa përfundon:

“Partia Demokratike e Gjirokastrës do të vazhdojë të qëndrojë e fortë, stoike, e papërulur përballë regjimit të Edvin Malavitës.”

Deklaratë:

Partia Demokratike e Gjirokastrës distancohet plotësisht nga prononcimet e papërgjegjshme dhe absurde të ish-anëtarit të Këshillit Kombëtar, të ish-Sekretarit për Pushtetin Vendor e Decentralizimin, të ish-kandidatit për deputet në Qarkun tonë, Z Roland Bejko.

Ne si demokratë, si aktivistë dhe si votues edhe të Partisë Demokratike, edhe të Z.Bejko, i kërkojmë atij t’u përgjigjet disa pyetjeve dhe shqetësimeve tona:

1.Qëkur një demokrat i vërtetë flet e sokëllet me gjuhën e Taulant Ballës?

2.Z.Bejko, me çfarë autoriteti flet ti në emrin tonë?

3.Sa delegatë të erdhën nga Qarku Gjirokastër në pseudo-kuvendin e 18dhjetorit? Sa autoritet ke?

4.Kur do ngresh ndonjë shqetësim, apo problematikë tonën ne kohën tënde të shpërdoruar televizive për mbrojtjen e interesave meskine të Lulzim Bravës?

Ndiejmë keqardhje dhe na vjen turp që rrimë e merremi me ju, ndërkohë që Gjirokastra vuan, lëngon dhe shkatërrohet ditë për ditë.

Ju nuk keni ditur dhe as keni dashur t’i dilni për zot asaj.

Partia Demokratike e Gjirokastrës do të vazhdojë të qëndrojë e fortë, stoike, e papërulur përballë regjimit të Edvin Malavitës.

Ne u themi anëtarëve tanë, por edhe gjithë bashkë-qytetetarëve të Gjirokastrës se do i shërbejmë me devocion interesit publik dhe jo meskinitetit donkishotesk të individëve të caktuar.

Partia Demokratike Mbi Të Gjitha!

RroftëGjirokastra!

Fitore!