Mbyllja e Krizës/ Përveç largimit të Ramës, Basha: Ndëshkimi i hajdutëve të votave, i panegociueshëm!
Ndërsa radhët e protestës kombëtare opozitës po shtohen dhe Kryeministri Edi Rama vazhdon dhe përsëritë se më 30 Qershor do të zhvillohen zgjedhjet përkundër Dekretit të Presidentit i cili u publikua në Fletoren Zyrtare, sot kur janë publikuar dhe përgjimet në gazetën gjermane “Bild” që dëshmuan krimin elektoral, Kryetari i Partisë Demokratike, Lulzim Basha, e bëri të qartë nga protesta se kriza nuk do të mbyllet me Pazar, dhe përveç largimit të Ramës tashmë edhe ndëshkimi i hajdutëve të votave janë të panegociueshëm.
“Edi Rama marshon drejt gushtit të shtetit, drejt votimeve pa opozitën, me KQZ të paligjshme, me karta identiteti të paligjshme. Ta dijë mirë Edi Rama se nuk ka zgjedhje më 30 qershor, nuk bëhet asnjë hap pas. Aleanca qytetare është në këmbë, beteja vazhdon qytete më qytet, fshat më fshat, demokracia është në këmbë kundër krimit.”
Çdo tentativë për të provokuar shqiptarët do të dështojë, tha Lulzim Basha, ndërsa 30 qershori do të jetë varreza politike e Edi Ramës dhe e rilindjes.
“Këto mesazhe të qarta, që shumëkush prej jush i di fare mirë, i bëjmë sonte të qarta për këdo që nuk i di, nuk do të ketë më në Shqipëri zgjedhje me Edi Ramën, nuk do të ketë proces politik pa dënuar hajdutët e votave. Ky është standardi i Europës dhe Perëndimit. Nuk ka paqe pa drjetësi, nuk ka zgjedhje pa drejtësi.”
Por nga protesta, lideri i opozitës i bëri të të qartë Kryeministrit dhe miqëve perëndimor që e mbështetën se jo vetëm largimi i Ramës e mbyll krizën shqiptare:
”Përfaqësuesit e përfaqësive perëndimore gjatë javës së shkuar më në fund kanë kuptuar se përballë tyre ka qenë jo një kryeministër, por një kryemafioz. Atyre dua t’u them se standardi europian i kësaj zgjidhjeje kalon përmes dy hapave të panegocieshëm.
1.Largimin e Edi Ramës.
2.Zgjdhje politike pa nxjerrë nga qelitë vëllezërit dhe motrat tona, se janë aty se protestian për Europën, për Amerikën, pa futur aty ata që vodhën votën, nuk ka zgjidhje politike.”
Me këtë rast, Basha u zotua se kjo krizë e thellë nuk do të mbyllet me një marrëveshje politike bazuar mbi pazare.
“Kjo krizë politike duhet dhe do të mbyllet jo me pazare por mbi parime dhe sot dua ta them qartë dhe prerë se parimi i parë është çuarja para drejtësisë dhe prapa hekurave të burgut të atyre që u vodhën votën shqiptarëve.”
Në fund, Kryetari i Partisë Demokratike falendëroi shqiptarët për pjesëmarrjen në këtë protest, më masivën që ka organizuar opozita deri më sot:
“Gjithë bota e sheh sot kontrastin mes popullit dhe bandës kriminale të Ramës
Dua t’ju falënderoj nga zemra që iu përgjigjet thirrjes time për të dalë në protestë, burra dhe gra me fëmijë për dore. E gjithë bota sonte sheh kontrastin midis popullit europian të Shqipërisë dhe bandës më anti-europiane, më anti-amerikane, më anti-perëndimore, bandës despotike kriminale të Edi Ramës. Ndaj sonte në zërat e gjokseve tuaja, me këtë prani oqeanike në këtë shesh të lirisë, dëgjojeni, kujtojeni shumë shpejt, sonte po vulosim vdekjen politike të organizatës kriminale të Rilindjes. Rama ik!”
Dhe jo vetëm kaq! Skenari i dhunshëm i Ramës për të mbytur jehonën e Bild-it, tha ai, dështoi me turp në protestën më gjigande:
“Vëllezër dhe motra, basti i vetëm i Edi Ramës është që kjo protestë e sotme të degjeneronte në dhunën e planifikuar nga provokatorët e Edi Ramës, nga veglat e tij qorre.
Dhe tani dua t’jua them fare qartë se pse jehona e Bildit, jehona e 339-s, tashmë në shqip, në anglisht, në gjermanisht, dhe çdo gjuhë të Perëndimit ka kapërcyer kufijtë e Shqipërisë.
Nuk ka burrë dhe grua shteti që nuk e di se çfarë banditi është kryeministri i Shqipërisë. Ndaj e vetmja mënyrë për të hequr vëmendjen, e vetmja mënyrë për ta mbytur këtë zhurmë ishte skenari i turpshëm i provokimit të dhunës. Dhe kur? Në këtë protestë, më të madhen, më qytetaren, më gjiganden, më evropianen. Rama ik!”
Plani i Edi Ramës dhe i shërbëtorëve të tij dështoi me sukses të plotë. Plani për të tërhequr vëmendjen nga skandali që sot e dëgjon e tmerruar gjithë Evropa, dështoi, tha Kryetari i Partisë Demokratike, Lulzim Basha, duke përfunduar:
“Sot ju them me përgjegjëësi të plotë se tiktaku i orës së Edi Ramës po mbaron në çdo kancelari të Evropës dhe të Pernëdimit!”
Duke përmbyllur fjalën e tij para Kryeministrisë, lideri i opozitës i bëri thirrje pjesëmarrësve të Protestës së Madhe të Opozitës që të marshojnë drejtë Parlamentit. Protesta e Madhe e Opozitës u mbyll me marshimin drejtë selisë së Partisë Demokratike!
