Sot debati “McGonigal”, 90 minuta denoncuesve, 750 për komunistët e Edi Ramës

Pse Kryeministri Edi Rama pranoi debatin në Parlamentin e Shqipërisë me mocion, interpelancë dhe pyetje për “Skandalin McGonigal” u kuptua pas ndarjes së kohës për debat që i bëri seancës plenare prej 24 orëve e cila fillon sot në orën 10:00, ku grupit të deputetëve që e denoncuan i dhuroi vetëm 90 minuta kohë ndërsa atyre që e mohuan korruptimin e Zyrtarit të lartë të FBI nga Kryeministri edhe pasi Charles McGonigal përfundoi në pranga, pra deputetëve socialist, plot 750 minuta!

Dhe jo vetëm kaq! Në këtë seancë maratonë avokatie për Kryeministrin prej 1.400 minutave, Edi Rama u kujdes edhe për deputetët që heshtën kur shpërtheu skandali, ata që nuk përfaqësojnë asnjë parti përveç se individit Lulzim Basha, të cilët i kuotoi me 350 minuta ose rreth 6 orë për këtë debat!

Kështu, sot seanca plenare me pikën e vetme të rendit të ditës, debati për çështjen “Mc Gonigal””, mocion, interpelancë, pyetje, do të zhvillohet për 1.400 minuta me këtë ndarje të kohës:

Ndryshe, ata qytetarë që gjatë 24 orëve të ardhshme do të dëgjojnë për 750 minuta ose 12 orë e gjysëm avokatinë komuniste të Edi Ramës rreth korruptimit të Zyrtarit të FBI-së nga Kryeministri, duhet të shpallen heronjë!

Ata qytetarë që presin nga ky debat një të vërtetë që do të dal nga goja e Kryeministrit Edi Rama rreth “Skandalit McGonigal”, mos ta marrin mendimin të shikojnë seancën plenare 24-orëshe për të nxjerrë konkluzionet sepse gjendja e tyre shëndetësore është alarmante, le ti drejtohen psikologut!