Më 1 Qershor hapen kufijtë tokësor, Edi Rama: Plazhet do të hapen më…

Kryeministri Edi Rama sot ka bërë të ditur se nga data 1 Qershor do të hapen kufijtë tokësor me shtetet fqinje, për të gjithë shqiptarët ndërsa duke filluar nga 10 Qershori do të hapen plazhet.

“Duke nisur nga e hëna 1 Qershor do të hapim kufijtë tokësor për të gjithë shqiptarët. Por nuk do të hapim plazhet. Nuk ka asnjë vend në Europë që të ketë hapur plazhet,” tha Edi Rama në një komunikim përmes rrjetit social Facebook duke shtuar se më datë 1 Qershor do të hapen plazhet për hotelet, kurse më datë 10 Qershor do të hapen plazhet për të gjithë shqiptarët.

“Do hapim plazhet pas 1 qershorit për hotelet dhe më datë 10 qershor për të gjithë qytetarët. Fundjava pa makina do të mbetet edhe dy javë. Deri në fund të muajit do të hapim transportin publik, por pjesë – pjesë. Shumë shpejt do të publikojmë planin tonë për rimëkëmbjen ekonomike. Duam që vitin e ardhshëm të shënojmë ecje përpara. Do të nisim edhe transformimin social e urban në zona si Durrësi, Thumana, Shijaku etj. Duam të mbyllim aeroportin e Vlorës, Sarandës. Do kemi nisur punën në terren edhe në Lezhë, në disa zona të Vlorës. Duhet durim dhe besim. Ne nuk jemi më të mirët, por më mirë se ne nuk ka. Shqipëria është bërë vend më i respektuar nga se ishte më përpara,” shprehet i bindur Edi Rama duke vazhduar qeverisjen në botën e tij në rrjetet sociale Facebook dhe Twitter.