Me 101 vota për, Projektligji për Ministrinë e Mbrojtjes kalon në Parlamentin e Kosovës
Pas shqyrtimit e debatit për projektligjin të propozuara nga Qeveria e Kosovës, Parlamenti ka votuar pro Projektligjit për Ministrinë e Mbrojtjes.
Prezent në sallë ishin 102 deputetë, ndërsa votuan pro 101 deputetë.
Projektligjin e kanë votuar të gjitha partitë shqiptare ndërsa deputetët e Listës Serbe e kanë kundërshtuar këtë projektligj.
Osmani deputetëve serbë: Ushtria do t’iu mbroj nga kriminelët në Veri
Deputetja e LDK-së Vjosa Osmani tha se seanca e sotme do të kryejë një punë që është vonuar.
“Në fillim të vitit 2016 kam qëndruar në këtë foltore që të procedohet me planin B pra me ndryshime ligjore, meqë nuk bëhej ndryshe për shkak të bllokimit të serbëve”, tha Osmani duke shtuar se kjo mund të bëhet vetëm nëse kanë përkrahjen e SHBA dhe vendeve tjera në NATO
Deputetja e LDK-së tha se vullneti i 10 deputetëve nuk mund të shkel vullnetin e 100 deputetëve tjerë ndërsa kishte një këshillë për deputetët serbë që po kundërshtonin Ushtrinë e Kosovës.
“Ju nuk rrezikoheni nga ushtria, por , ju dhe ne rrezikohemi vetëm nga bandat në veri. Por kjo ushtri do të iu mbroj juve nga ata kriminelë, edhe pse ju dolët nga salla”, tha Vjollca Osmani, këshillë të vyer të cilën nuk e përfillën deputetët serbë dhe në momentin e votimin e kanë braktisur seancën
Parlamenti ka vazhduar me pikat e tjera që kanë të bëjnë me shqyrtimin e parë itë Projektligjit për Forcën e Sigurisë së Kosovës dhe të Projektligjit për shërbim në Forcën e Sigurisë së Kosovës.
