Më 27 Qershor dialogu Kosovë-Serbi në Shtëpinë e Bardhë
Përfaqësuesi Special i Presidentit të SHBA, Donald Trump në Dialogun Kosovë-Serbi, Richard Grenell, ka bërë të ditur se më 27 Qershor do të vazhdoj dialogu në Shtëpinë e Bardhë ndërsa paralajmëron edhe fatin e këtij dialogu nëse nuk arrihet marrëveshja.
“Lajm i madh! Kam marrë angazhimin nga qeveritë e Kosovës dhe të Serbisë për të ndaluar përkohësisht fushatën e mosnjohjes dhe kërkimin e anëtarësimit ndërkombëtar në mënyrë që të takohemi në Washington, DC në Shtëpinë e Bardhë në 27 Qershor për të diskutuar për Dialogun,” thekson Grenell përmes rrjetit social Twitter duke mos përjashtuar mundësinë e kthimit të procesit në status quo.
“Nëse palët janë të pakënaqura me diskutimet e 27 qershorit, ata do të kthehen në status quo pasi të largohen nga Washingtoni,” e bënë të qartë Përfaqësuesi Special i Presidentit të SHBA, Donald Trump, në dialogun Kosovë-Serbi, Richard Grenell, duke përfunduar:
“Siç kemi thënë vazhdimisht, së pari duhet të përparojmë në rritjen e ekonomive. Ky është fokusi. Mezi pres këto diskutime.”
Ndryshe, vendimi për vazhdimin e dialogut Kosovë-Serbi në Washington vjen pas vendimit të heqjes sē masës së reciprocitetit për Serbinē nga Qeveria e Avdullah Hotit dhe pas deklaratës së Presidentit të Serbisē, Aleksandar Vuçiç, se nuk i thotë dot Amerikës, JO!
