Më 8 Janar pregatituni për estradë, Rama: Basha, një anë e marrëzisë që po çon PD-në drejtë fundit!

Përkundër deklaratave nga foltorja e Parlamentit të Shqipërisë se njeh vetëm Lulzim Bashën si kryetar të Partisë Demokratike, pas zhvillimeve të fundit, sot në daljen e fundit publike për vitin 2021, Kryeministri Edi Rama, tha se Basha është një nga dy anët e një marrëzie që po e çon PD-në drejt një fundi të merituar dhe duke mos konfirmuar ndërhyrjen e policisë nëse Sali Berisha realizon paralajmrimin me mbështetësit e tij për marrjen e selisë së PD, i bëri thirrje shqiptarëve të përgatiten për estradë.

Dhe jo vetëm kaq! Nuk ishte i perë për shkarkimin e Presidentit Ilir Meta ndërsa për zgjedhjen e Presidentit të ri, sot e pranoi se e kishte deklaruar që do të negocioi me Partinë Demokratike por tani nuk ka me kë të bisedoi sepse ajo nuk ka Kryetar.

“Është një nga dy anët e një marrëzie që po e çon PD-në drejt një fundi të merituar për shkak se është një fund i përgatitur me vite. Jo nga unë dhe as nga ju e ata shqiptarë që e votojnë dhe e mbështesin. E mbështesin si tifozë të një skuadre futbollit. Është shkatërruar nga këto dy figura që janë shëmbëlltyra e gjithë asaj që është përgatitur me këmbënguljen e verbër në përsëritjen e të njëjtës gjë, në kërkim të kotë të rezultateve të tjera.

Një forcë politike që nuk ka prodhuar asgjë tjetër përveçse mite fitoresh të vjedhura dhe sherre që kanë afektuar vendin, rrëmujave që kanë dëmtuar vendin, në një përpjekje për tu rikthyer në pushtet pa pasur asnjë kapacitet real për të qeverisur. Thënë gjitha këto, për mua është shumë e qartë, s’kam asnjë punë me asnjë prej tyre. Janë dy burra me një hall të madh. Hallin e tyre e kanë kthyer në hallin e partisë së tyre dhe të mbështetësve të tyre. Përsa më takon, nuk mund të bëj parashikimet dhe nuk mund të parathem se çfarë do të sjellë e ardhmja, skam asnjë arsye, përpos dëshirës që jo dhe jo, për tu marrë me asnjë prej tyre,” tha Edi Rama ndërkohë i pyteur se a do të reagoj policia nëse Sali Berisha realizon paralajmrimin për marrjene godinës së Partisë Demokratik shtoi:

“Nuk kam lënë datë por e kam në plan të merrem me leximin e Mujit dhe Halilit jo me temën e kullës së PD se u bë si legjendë Kreshnikësh që do përballen në filan datë. Është një marrëzi e madhe një realitet qesharak. Është edhe pak si ajo shprehja që ca të kërkosh do gjesh.

I shkoi jeta duke kërcënuar për të marrë kryeministrinë, tani janë në luftë për të marrë PD. Keqardhje e madhe por edhe shumë qesharake. Dhe probabilitetet e marrjeve dhe dorëzimeve të asaj kalaje janë shumë më të larta se këtu s’kanë ca bëjnë. Pregatituni për estradë.”

Duke e pranuar se nuk do të merret më me përplasjen mes Berishës dhe Bashës, Kryeministri Rama tha se do të ndryshojë dhe fokusin e politikës së tij dhe kabinetit të tij qeveritar përballë kampit opozitar.

“E mbyll me situatën politike. Për mua ka vetëm një këshillë, mos u merr me ta, mos u merr me këtë punë. Për këtë arsye, trajektorja jonë do jetë komplet tjetër. Duke filluar nga tani deri në fund të mandatit. Duhet të bëjmë çmos që të jemi afër njerëzve. Përtej të majtës dhe të djathtës. Në raportin e qeverisë me njëerëzit. Siç po i bëjmë dhe po shohim frytet në aspektin moral, si në aspektin e rindërtimit ku nuk ka të majtë dhe të djathtë. Do e forcojmë këtë marrëdhënie duke e braktisur llogoren e përplasjen absurde dhe me palë që nuk e dinë se ku kanë kokën e tyre, e jo më kokë për ti dhënë vendit. Është një situatë groteske ku marrëzia dhe egërsia bashkohet bashkë. Janë një fatkeqësi e madhe, por nuk kemi asnjë mundësi ta ndryshojmë atë trajektore marrëzie.

Na takon të shkojmë tek njerëzit. Këshillimi Kombëtar do jetë një instrument më shumë. Viti 2022 në të gjitha punët  do jetë në rradhë të parë në qëllimin tonë, viti i fëmijëve dhe shërbimeve. Nga njëra anë, do të bëjmë një hop të rëndësishëm në qasjen e jetës së përditshme të fëmijëve dhe të rinjve. Duke financuar dhe motivuar, që në atë hapësirë mes shkollës dhe shtëpisë të ketë sport, art, zeje dhe teknologji. Duke pasur më shumë fëmijë që hyjnë në tregun e pagave të larta të opunës përmes teknologjisë. Kemi këta të rinj, por duhet ti shtojmë,” tha Kryeministri Edi Rama duke e konfirmuar edhe një herë në fund:

“Patjetër shërbimet ne 2022 do ndryshojnë rrënjësisht sepse do mbyllen sportelet!”

Për çështjet tjera Kryeministri Edi Rama përsëriti ato që thotë çdo ditë ndonëse foli nga një përmbledhje e fundvitit për media! Për shkarkimin e Presidentit të Republikës, Rama nuk komentoi fare madje as deklaratën e Monika Kryemadhit se Ilir Meta shumë shpejtë do të drejtoj LSI-në, ndërsa për Presidentin e ri tha se nuk ka me kë të negocioj kur PD s’ka kryetar! Inceneratorët, edhe sot tha se është çështje individuale e atyre qç shkelin ligjin ndërsa nuk ndjen përgjegjësi për publikimin e listave të pagave por tha se prokuoria po heton rastin. Patronazhistët, me një marrëzi që tejkalon kufijtë e Lulzim Bashës edhe sot Kryeministri Edi Rama tha se PS nuk ka numra ID në regjistrin e patronazhistëve ndonëse janë publikuar në media dhe as deri më sot drejtësia nuk e ka thënë fjalën e fundit.