Më 8 Janar, Sali Berisha: Lulzim Bashën do e nxjerrim nga selia e PD!

Një ditë para protestës kombëtare, lideri historik i Partisë Demokratike, Sali Berisha, e bëri të qartë se më 8 Janar Kryetari i shkarkuar Lulzim Basha, do të largohet nga selia e PD me ose pa dashje ndërsa sugjeroi merecenarët e armatosur të cilët i ka angazhuar Basha për ta mbrojtur, që të shkojnë në shtëpitë e tyre.

Për blindat që ka vendosur në selinë e Partisë Demokratike, Ish-Presidenti i Republikës, Sali Berisha, dhe se ata do të çmontohen dhe do të dërgohen para shtëpisë së Lulzim Bashës.

“Prej disa ditësh shqiptarët po përjetojnë, po ndjekin në mënyrë të pabesueshme zhvillime të denja si për romanet e Franc Kafkës apo të realizmit fantastik të Garsia Markezit. Skenat e një njeriu i cili kalon nga skandali në skandal, nga aktet e turpshme në akte të tjera po kaq të turpshme. Një njeriu që dëshmon se nuk i ka mbetur qoftë dhe një grimcë më e vogël e integritetit moral dhe politik, e integritetit qytetar. A mundet kush të imagjinonte se një ish-lider i ri do të mbyllte karrierën e tij politike në vend të nënshtrimit të verdiktit të 44 mijë anëtarëve të partisë së tij në blindimin dhe shtrimin në bunker burgu të selisë së PD, bllokimin e saj, bllokimin e hyrjeve në këtë seli për deputetë të pD-së, mbushjen e kësaj selia me kriminelë delinkuentë që rëndojnë mbi shpatullat e tyre vrasje njerëzish,” tha Sali Berisha duke sqaruar qytetarët:

“Unë me këtë rast dua të sqaroj çdo qytetar të këtij vendi, çdo demokrat, se qëndrimi ynë nuk ka të bëjë më një zyrë, me një tryezë por ka të bëjë me zbatimin e parimit më themelor mbi të cilën ndërtohen organizatat e lira, ndërtohen shoqëritë e lira, vendet e lira Ka të bëjë me atë parim sipas të cili shumica vendos pakica respektohet. Në qëndrimin e deputetit Basha del e qartë se ai si pakicë kërkon të dhunojë shumicën, kërkon të konfiskojë ndërtesën e saj shtëpinë e demokratëve duke e trajtuar sikur ta ketë pronë perosnale.

Kemi të bëjmë me një parim themelor të demokracisë. Me një përpjekje të jashtëzakonshme por edhe tejet kriminale për asgjesmin e pluralizmit politik për të mbortjur individë që s kanë asnjë lloj morali politik apo njerëzor. Ftoj sot të gjithë anëtarët e PD, 44 mijë anëtare të PD, por edhe gjithë të tjerët, të gjithë ata që firmosën në liri të plotë shkarkimin e ish kryetarit të tyre për dhunimin flagrant të statutit të parimeve, dhe të cdo lloj norme tjetër demokratike në PD.”

Duke ftuar të gjithë anëtarët e Partisë Demokratike, të bashkohen për të marrë në dorëzim shtëpinë e tyre, për ta shndërruar në shtëpi lirie, në një protestë paqësore, një ngjarje madhore të revolucionit paqësor ai garantoi:

“Garantoj të gjithë punonjësit se protestuesit nuk kanë as edhe hatërmbetjen më të vogël ndaj tyre. Të qëndrojnë të qetë, problemi i vetëm është hapja e dyerve të kësaj shtëpie dhe çlirimi i saj nga peng Basha. Nesër ftoj të gjithë deputetët e PD, të jenë këtu me anëtarët e tyre dhe mos qëndrojnë asnjë minutë me një njeri që partinë që ata i besuan, partinë për të cilën ata investuan kapitalin e tyre, i bëri ata deputetë i lartësoi në nivelin më të lartë politikë, në një parti blindesh burgu e bravash,” tha Berisha duke e bërë të qartë se arma më e fortë është vendosmëria për realizimin e qëllimeve në mënyrë paqësore, teksa iu bëri thirrje mercenarëve që ndodhen në PD të shkojnë në shtëpitë e tyre.

“Nesër jeni të ftuar të bashkoheni me anëtarët dhe simpatizantët tuaj, me ata të cilët kanë derdhur lumenj djerse që ju të fitonit mandatin e deputetit. Ftoj të gjithë anëtarët dhe simpatizantët e partisë, ata që i kanë dhe ata që s’i kanë dokumentet e PD le t’i marrin me vete në mënyrë që t’ia tregojnë pengut të Edi Ramës se jeni këtu në emër të tyre. Protesta jonë është protestë paqësore. Arma jonë më e rëndësishme është vendosmëria për realizimin e qëllimeve tona në mënyrë paqësore.

Kemi informacione, i kemi të regjistruara dhe unë ftoj ata dhe familjet e tyre, t’i nxjerrin nga selia, të shkojnë në shtëpitë e tyre, të mos bëjnë mercenarin sepse do të përballen me pasoja shumë të rënda. Kemi emra dhe pa emra nuk flasim në këtë mënyrë, i kemi të identifikuar, por këtu përgjegjës numër 1 është Lulzim Basha, Lulzim Brava që nxjerr foto të bëra dje i nxjerr sikur janë të dy viteve më parë.”

Në fund, lideri historik i PD i njohur me kurimin e çdo detaji ishte kujdesur edhe për fatin e blindave të vendosur në PD, pas largimit të autorit të tyre..

“Nuk ka asnjë diskutim që dyert do të hapen, selia do t’u kthehet demokratëve. Selia nuk ka blind, apo beton që mund të pengojë demokratët shqiptarë si njerëz të lirë të rikthejnë këtë ndërtesë nga burg në ndërtesë të lirisë.
Çdo blind që është vendosur në këtë ndërtesë, do të ngarkohet në një kamion dhe do dërgohet afër shtëpisë së tij, Lulzim Basha të bëjë ç’të dojë. Këtu blind nuk do të ketë. Nuk është ndërtesë e një organizate terroriste por e një partie të lirë demokratike.”

I shoqëruar nga Bujar Nishani, Klevis Balliu, Tritan Shehu, Flamur Noka, Edmond Spaho, Gent Strazimiri, Edith Harxhi, Floriana Garo etj. Sali Berisha ka shuar dhe kuriozitetin e gazetarëve për fatin e shumë gjërave rreth Partisë Demokratike dhe selisë së saj.

Basha ka paralajmëruar se do të jetë në zyrë, a do të ketë përplasje fizike?

Berisha: Se ku do të jetë peng Basha më 8 janar është punë e tij. Një gjë është e sigurt, ne nuk futemi në ndërtesë për të dhunuar asnjë njeri, përveçse paralajmëroj mercenarët që është mirë të dalin nga ndërtesa.

Në çfarë ore nis protesta dhe kur do të përfundojë?

Berisha: Protesta nis nesër në orën 12:00, realizon qëllimet dhe ky revolucion paqësor nuk ndalet.

Por nëse nuk arrini ta nxjerrin zotin Basha, do të thotë që keni dështuar?

Berisha: Kush tha? Atë se thotë as ai vetë, ai e di që do të nxirret nesër. Ndaj bunkerit përdoren mjete teknike paqësore. Nuk do e gjuaj kush me mjete luftarake. Midis nesh nuk ka e nuk do të ketë kurrë njerëz të armatosur.

Nëse Basha refuzon të dalë nga zyra si do e nxirrni?

Berisha: Me pekule, me pekule do e nxjerrim. Ju falenderoj për punën e shkëlqyer që keni bërë. Ka qenë rast unik për mediat, për të transmetuar skena turpi të imagjinuara.