Me masën”arrest në shtëpi”, arrestohet në Morinë!

Shërbimet e Policisë Kufitare në Morinë arrestuan një shtetas që kishte thyer masën e sigurisë “arrest në shtëpi”.

“Në PKK Morinë, u kap shtetasi L. L., 27 vjeç, banues në Tiranë, pasi nga verifikimet e kryera nga shërbimet e Policisë Kufitare, rezultoi se ishte aktualisht me masë sigurie “arrest në shtëpi”, caktuar nga Gjykata e Shkallës së Parë e Juridiksionit të Përgjithshëm Tiranë.”

Ndryshe, Policia e Shtetit edhe këtë radhë dëshmoi se shtetasit me masë sigurie “arrest në shtëpi” mund të lëvizin lirshëm nëse nuk janë opozitarë, dhe kur akuzohen për vepra penale si 27 vjeçari L. L. nga Tirana, “Mbajtja pa leje dhe prodhimi i armëve, armëve shpërthyese dhe municionit”, “Prishja e qetësisë publike” dhe “Kanosja”.

Njoftim:

PKK Morinë

Kapet nga shërbimet e Policisë Kufitare, një shtetas që kishte thyer masën e sigurisë “Arrest në shtëpi”.

Policia Kufitare ka vijuar punën për goditjen e paligjshmërive në kufi, për ndalimin e shtetasve që sinjalizohen të shpallur në kërkim dhe të atyre që tentojnë të hyjnë apo të dalin nga kjo pkk, në mënyrë të parregullt.

Në këtë kuadër, në PKK Morinë, u kap shtetasi L. L., 27 vjeç, banues në Tiranë, pasi nga verifikimet e kryera nga shërbimet e Policisë Kufitare, rezultoi se ishte aktualisht me masë sigurie “Arrest në shtëpi”, caktuar nga Gjykata e Shkallës së Parë e Juridiksionit të Përgjithshëm Tiranë, për veprat penale “Mbajtja pa leje dhe prodhimi i armëve, armëve shpërthyese dhe municionit”, “Prishja e qetësisë publike” dhe “Kanosja”.

Veprimet e tjera procedurale për këtë shtetas do të kryen nga DVP Tiranë.