Me ata që çmimet e shportës i kanë në duar, Rama: Gjërat janë çdo ditë e më keq!

Takimi i Kryeministrit me importues, eksportues dhe përfaqësues të zinxhirit të furnizimit me mallrat e shportës ishte shpresdhënës për shqiptarët deri sa Edi Rama hapi gojën, por kur ata e panë se kreu i qeverisë së tyre tashmë është në panik rritën orekset e tyre për biznes në Shqipëri.

“Gjërat janë çdo ditë e më keq. Të gjitha vendet po gjenden në një situatë krejt të paparashikuar dhe të paparashikueshme të rritjes së vazhdueshme të çmimit të energjisë. Dhe frika nuk është rritja e kostos, por mundësia e mungesës së energjisë,” tha Edi Rama jo duke i bërë të qartë popullit se është i mirëinformuar dhe furnizimi me gaz po shkon drejtë normalizimiti por duke i bërë të qartë popullit që mos ta kenë të papritur rritjen e asnjë çmimi, rritje e cila në masën më të madhe është në duart e atyre që Rama i kishte përballë.

E shfaqjet në kohë krize, të cilat nga koha e tërmetit, pandemisë, përmbytjeve e deri në ditët e luftës në Ukrainë u bënë specialitet i njeriut i cili nuk prodhoi asgjë përveç se fonde dhe performancë në kohë krize.

Meqë importuesit, eksportuesit dhe përfaqësuesit zinxhirit të furnizimit me mallrat e shportës nuk morën kurrë guximin ti kërkojnë Kryeministrit Edi Rama uljen e çmimit në periudhat e mira hidrike ata edhe sot vetëm dëgjuan propozimin e tij për krizën energjetike: Të mendojë për prodhimin e energjisë!

“Ne kemi marrë përsipër diçka që e konsiderojmë të domosdoshme për të mbajtur një frymëmarrje normale për një kohë të vështirë për të gjithë: mosrritjen e çmimit për familjarët dhe biznesin e vogël. Ndërkohë që për pjesën tjetër, është diskutim tjetër.

Bizneset e mëdha duhet seriozisht të mendojnë për të investuar në vetëprodhim të energjisë, pa pretenduar që të bëhen prodhues për të gjithë sistemin. Ne po përgatisim një plan për të mbështetur familjarët, nëse familjet do të duan të investojnë për panele diellore dhe bizneset që duan të prodhojnë energji për fabrikën e tyre gjatë ditës,” tha Edi Rama duke thënë atë që e dinë i madh dhe i vogël, se kjo nuk ka lidhje vetëm me luftën apo krizën, por vizioni i tij është paksa i çuditshëm

“Kjo nuk ka lidhje vetëm me luftën apo krizën por me të ardhmen. Çdo biznes i madh që ka konsum energjie të lartë, që investon vetë për energjinë me panele diellore, bën një investim jashtëzakonisht të arsyeshëm dhe me përfitim të madh në kohë.”

Në fund, ajo që ngeli në mendjen e shqiptarëve ishte konstatimi i Kryeministrit Edi Rama se “në Shqipëri nuk ka oligarkë” sepse që Shqipëria drejtohet nga oligarkët nuk e ka besuar njeri edhe pse ai i kompleksuar u mundua ti bindë sërish sot; Po këto përralla shqiptarët i dëgjuan edhe për Tiranën, dhe ata vazhduan të kryejnë punën e tyre pa qenë të interesuar se çfarë halle ka kryeqyteti shqiptar, sepse thjeshtë kishin hallin e tyre dhe parave që duhet pastruar!

Por Kryeministri Edi Rama përveç këtij fjalimi skëterrë u kujdes që importuesit, eksportuesit dhe përfaqësuesit e zinxhirit të furnizimit me mallrat e shportës të mund të gjejnë derën për të dalë nga ky takim. Për të minimizuar efektet e krizës, tha ai, qeveria do ti mbështesë me garanci sovrane dhe çdo furnizues mund të blejë mallra për t’i mbajtur rezervë dhe nëse mallrat nuk shiten, do të jetë shteti ai që do t’i mbajë.

“Ne kemi vendosur garancinë sovrane, që ju të mund të merrni dhe ta përdorni me garanci të plotë të shtetit, çdo kredi për të marrë edhe më shumë furnizim se zakonisht, për ta pasur më afatgjatë me mirëkuptimin e shkruar që çdo gjë që do të mbetet do ta marrë shteti.

Nuk do t’iu mbetet e pashitur, s’do të humbisni paratë nga një investim me përgjegjshmëri sociale dhe jo thjesht biznesi për të qenë aty. Kjo garanci sovrane është që të gjithë ata që janë të përfshirë në zinxhirin e furnizimit të kenë mundësi të investojnë dhe shpenzojnë siç duhet. Kjo është rezervë dhe shtetërore në të njëjtën kohë. Ju do ta përdorni siç përdorni zakonisht rezervat, por nëse mbetet do ta marrë shteti”.