Me biznesin e vogël, Basha: E keqja e këtij vendi, Kryeministri!
“Po falimentojmë”, është ajo që dëgjoi më shpesh Kryetari i Partisë Demokratike, Lulzim Basha, sot gjatë takimeve që zhvilloi me pronarët e bizneseve të vogla në Njësinë 3 në Tiranë, ku gjendja bëhet çdo ditë e më keq, nuk ka xhiro, nuk ka konsum, nuk ka para sepse kjo qeveri nuk i ka në llogari ata që punojnë me ndershmëri.
“Është njësoj keq kudo. Në Tiranë, në Durrës, në Shkodër, në Vlorë, në Korçë. Në çdo cep të Shqipërisë bizneset po mbyllen, papunësia po rritet dhe numri i familjeve në varfëri është shtuar. Biznesi dhe ekonomia nuk mbahen dot në këmbë as me urdhrat e facebook-ut të Edi Ramës, as me gënjeshtrat e tij,” konstaton lideri i opozitës pas takimit me biznesin e vogël në kryeqytet.
Paketa e parë, tha Lulzim Basha, ishte një gënjeshtër:
“Një ndihmë qesharake, që nuk mbulon as taksat apo tarifat e rritura lokale, as faturat e larta afrofe të energjisë dhe të ujit,” thekson Kryetari i Partisë Demokratike duke shtuar se dhe Paketa e dytë ishte gjithashtu një gënjeshtër:
“Më pak se rroga minimale për 2 muaj e gjysëm mbyllje e detyruar e biznesit dhe bashkë me të, mbyllja e vendit të punës.”
Në fund, thekson Kryetari i Partisë Demokratike, Lulzim Basha, sot qytetarët e kanë kuptuar që e keqja e vendit, e keqja e ekonomisë, dhe më e rëndë për ta është:
Kjo Qeveri dhe Kryeministri!
Reagimi:
Gjendja e bizneseve bëhet çdo ditë e më keq.
Nuk ka xhiro, nuk ka konsum, nuk ka parà, sepse kjo qeveri nuk i ka në llogari ata që punojnë me ndershmëri.
“Po falimentojmë”, është ajo që dëgjova më shpesh sot nga pronarët e bizneseve të vogla në njësinë 3 në kryeqytet. Është njësoj keq kudo.
Në Tiranë, në Durrës, në Shkodër, në Vlorë, në Korçë. Në çdo cep të Shqipërisë bizneset po mbyllen, papunësia po rritet dhe numri i familjeve në varfëri është shtuar.
Biznesi dhe ekonomia nuk mbahen dot në këmbë as me urdhrat e facebook-ut të Edi Ramës, as me gënjeshtrat e tij.
Paketa e parë ishte një gënjeshtër.
Një ndihmë qesharake, që nuk mbulon as taksat apo tarifat e rritura lokale, as faturat e larta afrofe të energjisë dhe të ujit.
Paketa e dytë ishte gjithashtu një gënjeshtër, më pak se rroga minimale për 2 muaj e gjysëm mbyllje e detyruar e biznesit dhe bashkë me të, mbyllja e vendit të punës.
Sot qytetarët e kanë kuptuar se kjo qeveri dhe kryeministër është e keqja e vendit, e keqja e ekonomisë, është barra më e rëndë për ta.
