Me biznesin në Laç, Basha: Ju duhet të ngrini zërin, opozitën e keni në krahë!
Kryetari i Partisë Demokratike, Lulzim Basha, Pas takimit me biznesin dhe qytetarët e Laçit tha se Edi Rama po e shtyn ekonominë në greminë ndërsa paratë e shtetit i ka futur në xhepat e tij paratë e shtetit. Ai tha se opozita ka vetëm fjalën por se do ta kenë gjithmonë në krahë.
“Ky po e shtyn ekonominë në greminë. Paratë e shtetit i ka futur në xhepat e vet dhe të oligarkëve. Pas 25 prillit kemi zgjidhje të tjera, deri më 25 prill çelësat i ka ky. Ne kemi vetëm fjalën, por dhe ju duhet të ngrini zërin dhe të jeni të sigurt që dhe PD dhe opozitën do e keni në krahë.”
“Është kriminale që ju vuani për bukën e gojës,” tha lideri i Opozitës së Bashkuar, dhe duke iu referuar statistikave të të papunëve, Zparalajmëroi pushtetin se 40% e shqiptarëve pritet t’i shtohen listës së të papunëve, nëse shteti nuk zbaton urgjentisht planin e rimëkëmbjes me 5 pika të Partisë Demokratike.
“5 pikat e Planit të Rimëkëmbjes synojnë pikërisht rikthimin në punë të bizneseve dhe rimarrjen në punë të qytetarëve që kanë humbur vendin e punës gjatë pandemisë:
– Çeku prej 1,000 euro për biznesin e vogël për të lehtësuar barrën e pagesave dhe shpenzimeve të papërballueshme për 6 muajt e ardhshëm;
– Pagesa mujore prej 160 mijë lekësh të vjetra për ata që kanë humbur vendin e punës, si minimum konsumi për 6 muajt e ardhshëm;
– Pagesa mujore prej 200 mijë lekësh për çdo punonjës që biznesi rikthen në punë gjatë 6 muajve të ardhshëm;
– Shtesa mujore prej 20 mijë lekësh për pensionistët për shpenzimet shëndetësore shtesë gjatë 6 muajve të ardhshëm,” tha Kryetari i Partisë Demokratike, Lulzim Basha, duke garantuar qytetarët dhe sipërmarrësit në qytetin e Laçit se fondet për këtë plan 300 milion eurosh janë në buxhet dhe për fat të keq sot u jepen një grushti miqsh të regjimit të Edi Ramës ndërsa përfundoi:
“Prioriteti numër 1 sot është të shpëtojmë buxhetin e familjeve nga falimentimi deri më 25 prill. Pas 25 prillit, rikthimin e ekonomisë në binarët e rritjes dhe zgjerimin e fuqizimin e klasës së mesme do ta bëjmë bashkë me programin ekonomik të qeverisë së Partisë Demokratike.”
