Me biznesin në Laprakë, Basha: Mungesa e konsumit po i çon drejt falimentimit!

Bizneset e shërbimit në Tiranë po falimentojnë nga rënia e konsumit. Si kudo në Shqipëri, këtë shqetësim e ndanë me Kryetarin e Partisë Demokratike, Lulzim Basha, edhe bizneset në zonën e Laprakës ku tregëtia dhe shërbimet janë në krizë të rëndë.

“Qytetarët nuk po marrin ndihmë nga qeveria, papunësia po shtohet dhe po rritet kosto e jetesës. FMN konfirmoi atë që i kemi kërkuar prej muajsh qeverisë Rama: të japë ndihmë financiare për të gjithë qytetarët,” tha Lulzim Basha duke shtuar se Qeveria Rama ka dhënë paketën më të vogël të ndihmës në Ballkan.

“Bizneset shqiptare meritojnë më shumë. Qytetarët e Shqipërisë meritojnë një qeveri që kujdeset për njerëzit, jo për vete.Është koha të ecim përpara,” tha Kryetari i Partisë Demokratike, Lulzim Basha, pas takimit me biznesin në zonën e Laprakës duke përfunduar:

Është koha për ndryshim.