Me Borrell, Presidentja e Kosovës: Serbia të mbahet përgjegjëse për shkeljen e Marrëveshjes
Në takim me Përfaqësuesin e Lartë për Politikë të Jashtme dhe Siguri të Bashkimit Evropian, Josep Borrel, Presidentja e Kosovës kërkoi që Serbia të mbahet përgjegjëse për shkeljen e Nenit 3 të marrëveshjes së 27 shkurtit.
“Serbia duhet të mbahet përgjegjëse për shkeljen e qartë të Nenit 3 të Marrëveshjes së 27 shkurtit të BE-së, e cila parashikon detyrimin për t’u përmbajtur nga kërcënimi ose përdorimi i forcës,” u shprehë Vjosa Osmani përmes rrjetit social X pas takimit që zhvilloi në Granada me Josep Borrell e ku temë qendrore ishte sulmi terrorist serb në veri ndaj Policisë së Kosovës.
At EPC, I met with HRVP @JosepBorrellF to discuss Serbia’s act of aggression against Kosovo.⁰
— Vjosa Osmani (@VjosaOsmaniPRKS) October 7, 2023
Serbia must be held accountable for its clear violation of Article 3 of the EU agrmt. of 27 Feb, which provides for the obligation to refrain from the threat or use of force. pic.twitter.com/eDgBd6WdyJ
Ndryshe, Neni i 3 Marrëveshjes së 27 Shkurtit në Bruksel, thekson se “në përputhje me Kartën e Kombeve të Bashkuara, palët do ta zgjidhin çdo mosmarrëveshje ndërmjet tyre vetëm në mënyrë paqësore dhe do të përmbahen nga kërcënimi apo përdorimi i forcës.”
Përkundër kësaj Marrëveshje dhe dakordimit në Ohër të Kosovës dhe Serbisë për Aneksin e zbatimit të saj, Serbia vetëm ka kërcënuar dhe së fundi edhe ka përdor forcën më 24 shtator ndaj Policisë së Kosovës.
Prishtina zyrtare e cila ka fol për rrezik potencial dhe ka arsyetuar praninë e policisë në veri të Kosovës, është ndëshkuar nga BE dhe SHBA të kanë kërkuar vazhdimisht që palët të zbatojnë këtë Marrëveshje.
Pse nuk u ndëshkua Serbia edhe pas këtij sulmi terrorist nuk dihet, por, pse heshti Komuniteti Politik Evropian në Granada ku morën pjesë 47 liderë evropianë nuk është risi! Kështu ndodhi edhe në fillim të viteve ’90-të, në prag të luftës në Kroaci, Bosnje Hercegovinë dhe Kosovë, ku u lejua makineria shtetërore serbe të djeg, keqtrajtojë, përdhunojë dhe vras gjithçka joserbe, për ti bërë në fund BE pyetje edhe vetes se si është e mundur shfarosja etnike në masë në qendër të Evropës, 45 vjet pas krimeve naziste!
