Me Dr.Berishën në Vadardhë, Muka: Durrsakëve do u shërbejmë të kalojnë këtë moment të vështirë

Kandidati i “Shtëpisë së lirisë”, Ardian Muka, i shoqëruar nga lideri historik i PD, Sali Berisha, ka zhvilluar një takim me banorët e Vadardhës së Sukthit ku informua me nevojat emergjente të këtyre banorëve që vazhdojnë e vuajnë pasojat e tërmetit, pandemisë dhe përmbytjeve ndërsa shpalosi ofertën e tij për të sjellë ndryshimin e madh me fitoren e 6 Marsit.

“Me liderin historik Dr.Sali Berisha jemi sot në Vadardhë e cila vuan pasojat e tërmetit, pandemisë dhe përmbytjeve. Ne do u shërbejmë durrsakëve të kalojnë këtë moment të vështirë,” thekson Ardian Muka nga Vadardha përmes rrjetit social Facebook duke përfunduar:

“Dr. Berisha tha në këtë takim, fitorja u buzëqesh atyre që e besojnë. Durrësin do e fitojmë!”